თბილისის ზღვის ჰოსპიტლის 2 თანამშრომელს კორონავირუსი დაუდასრტურდა

თბილისის ზღვის ჰოსპიტლის მედპერსონალის ორ წარმომადგენელს კორონავირუსი დაუდასტურდა. ჰოსპიტლის კრიტიკული მედიცინის დეპარტამენტის უფროსის, მარეხ ბექაიას თქმით, მიმდინარეობს ამ შემთხვევების ეპიდემიოლოგიური კვლევა.

„გუშინ მოგვიანებით მოვიდა ორი  პასუხი. ეს იყო ჩვენი დაბალი მედპერსონალის პასუხები - დადასტურებული კორონავირუსი. მათი მდგომარეობა მსუბუქია, თუმცა ისინიც გადაყვანილები არიან პირველ საუნივერსიტეტო კლინიკაში“, - განაცხადა მარეხ ბექაიამ.

ექიმის განცხადებით, აღნიშნული შემთხვევების დადასტურების შემდეგ, კლინიკაში მიღება რამდენიმე საათით შეჩერდა, თუმცა სამედიცინო პერსონალის თერმოსკრინინგისა და შესაბამისი ღონისძიებების გატარების შემდეგ, კვლავ განახლდა. აღნიშნულ ინფიცირებულებთან კონტაქტის გამო პერსონალიდან კარანტინში 5 პირია გადაყვანილი.