თიბისი ბანკის საჩუქარი მზიურის პარკს - ბანკი „ახალი მზიურის“ ფონდში 50 000 ლარს რიცხავს
საქართველო, თბილისი - 16:59 | 21.12.2015 ნანახია: 1320თიბისი ბანკმა „მზიურის“ ტერიტორიაზე პარკის აღდგენის ინიციატივის მხარდასაჭერად და საკუთარი 23-ე იუბილის აღსანიშნად, „ახალი მზიურის ახალი წლის“ ღონისძიება გამართა.
ერთი დღის განმავლობაში „მზიური“ ყველა ასაკის ადამიანისთვის საახალწლო განწყობის, მხიარულების, თავგადასავლებისა და ქველმოქმედებაში ჩართვის საუკეთესო ადგილად იქცა.
თიბისი ბანკმა ტრადიციას არც წელს უღალატა და საკუთარ იუბილეზე საჩუქარი ამჯერად “მზიურს“ მოუმზადა. 5 000-ვე თანამშრომლის ჩართულობით, ბანკმა პარკის აღდგენა-გამოცოცხლებისთვის ფონდში 50 000 ლარი გადარიცხა.
თიბისი ბანკი კერძო სექტორიდან „ახალი მზიურის“ პროექტის პირველი მხარდამჭერი და გულშემატკივარია. „ახალი მზიურის“ პროექტის მხარდასაჭერად თიბისი ბანკმა 5 000-ვე თანამშრომელი გააერთიანა და თითოეული მათგანი ქველმოქმედების მონაწილე გახადა. შიდა ქსელში, თანამშრომლების მიერ გაზიარებული ყოველი ვიდეოს, ერთწამიანი პოზიტიური ემოციის სანაცვლოდ, ბანკი „ახალი „მზიურის“ ფონდში 10 ლარს რიცხავდა, თანხა კი საერთო ბიუჯეტს ემატებოდა.
„ახალი მზიურის" პროექტი მზიურის პარკის ფუნქციურად დატვირთვასა და გაცოცხლებას ისახავს მიზნად, უფრო ზუსტად კი, იქ არსებული კაფისა და ამფითეატრის განახლებას. პროექტის იდეის ავტორი ფოტოგრაფი ანა გოგუაძეა.
კაფე სოციალური ხასიათის იქნება, მაშასადამე, არაკომერციული. მისი მოგება ისევ პარკს და სხვა სოციალურ-ინკლუზიურ პროექტებს მოხმარდება. კაფეში ლიტერატურული საღამოები, გამოფენები, პრეზენტაციები, თემატური დღეები (ხატვის, კითხვის, კულინარიული დღე და სხვ.) მოეწყობა. შემოსული თანხა კი პარკისა და სოციალურ-ინკლუზიური პროექტების განვითარებას მოხმარდება. რაც შეეხება ამფითეატრს, ის ახალგაზრდა, უცნობ ხელოვანებს დაეთმობათ,სადაც კინოჩვენებები, მუსიკალური კონცერტები, დისკუსიები, ინკლუზიური სპექტაკლები გაიმართება. „ახალი მზიურის“ პროექტი სავარაუდოდ გაზაფხულზე დასრულდება.
ეს პირველი შემთხვევა არ არის, როცა თიბისი ბანკი 13 ივნისის სტიქიის შედეგად დაზარალებული მოქალაქეების მიმართ მხარდაჭერას გამოხატავს. თიბისი ბანკი იყო პირველი კომპანია, რომელმაც 13 ივნისის სტიქიის შემდეგ მასშტაბური საქველმოქმედო და სამოქალაქო აქტივობა წამოიწყო. ამ აქტივობას თიბისი ბანკი ამჯერად „ახალი მზიურის“ პროექტის მხარდაჭერით აგრძელებს.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა