ვეთანხმები ივანიშვილს, ძნელია, დამალო გაოცება, როცა შალვა შავგულიძეს ე.წ. ნაცებთან ხედავ - თეა წულუკიანი

ვეთანხმები ბიძინა ივანიშვილს, რომ ძნელია, დამალო გაოცება, როცა შალვა შავგულიძეს ე.წ. ნაცებთან ხედავ, – ამის შესახებ საქართველოს იუსტიციის მინისტრმა, თეა წულუკიანმა განაცხადა.

მისი თქმით, „ნაციონალური მოძრაობა“, და „ევროპული საქართველო“ ერთი და იგივე წარმოშობისა და იდენტობის პოლიტიკური ჯგუფია.

„ნაცი“, „ევროსაქი“ ერთი და იგივე წარმოშობისა და იდენტობის პოლიტიკური ჯგუფები არიან. დიახ, ვეთანხმები ბიძინა ივანიშვილს, მათთან შალვა შავგულიძეს რომ ვხედავთ, ძნელია, დამალო გაოცება. მე ათი წელი ვიმუშავე სტრასბურგის სასამართლოში.  მონაწილეობა მაქვს მიღებული გირგვლინი-ენუქიძის საქმის მართვაში, გადაწყვეტილების შედგენაში“, – განაცხადა თეა წულუკიანმა.