სერიული მკვლელის ჩარზლ მენსონის სექტის წევრი, შესაძლოა, 40-წლიანი პატიმრობის შემდეგ გათავისუფლდეს (ფოტო)
საქართველო, თბილისი - 11:44 | 08.02.2019 ნანახია: 1899ცნობილი ამერიკელი სერიული მკვლელის ჩარლზ მენსონის ყველაზე ახალგაზრდა მიმდევარი ლესლი ვან ჰაუთენი, შესაძლოა, 40-წლიანი პატიმრობის შემდეგ ციხიდან გათავისუფლდეს. შესაბამისი რეკომენდაცია კალიფორნიის შტატის ვადამდელი გათავისუფლების კომისიამ უკვე მოამზადა.
ჩარლზ მენსონმა 1960-იან წლებში კალიფორნიაში ჩამოაყალიბა სექტა. მას სურდა რასობრივი ომი წამოეწყო ამერიკაში. ქადაგებდა, რომ ადამიანის მკვლელობა არის უდიდესი კეთილშობილება და არა ბოროტება, რადგან ადამიანის სულს ხორცისგან გათავისუფლება და ზეცაში დამკვიდრება სურს.
ჩარლზ მენსონის მიერ დაფუძნებული დანაშაულებრივი ჯგუფის - „ოჯახის“ ყველაზე სასტიკი და გახმაურებული მკვლელობა 1969 წელს, ლოს-ანჯელესში მოხდა, როდესაც სიელო-დრაივზე მდებარე ცნობილი რეჟისორის, რომან პოლანსკის სახლში „ოჯახის“ წევრები შევიდნენ და რეჟისორის 8 თვის ორსული ცოლი შერონ ტეიტი და მისი მეგობრები სასტიკად დახოცეს. იმ საღამოს პოლანსკი სახლში არ იმყოფებოდა.
თუ რატომ აირჩია „ოჯახმა“ რეჟისორის სახლი, უცნობია. თუმცა არსებობს ორი ვერსია, ერთი ვერსიის თანახმად, მენსონი, რომელიც თავს მუსიკოსს უწოდებდა, ვარაუდობდა, რომ სახლი მის ნაცნობ პროდისუერს ეკუთვნოდა, რომელმაც მასთან მუშაობაზე უარი უთხრა, მეორე ვერსიით კი სექტის დამფუძნებელი სახლში ადრე უკვე იმყოფებოდა და შენობის გეგმას კარგად იცნობდა და რომ სახლი გარეუბანში მდებარეობდა.
მენსონის სექტა ძირითადად გოგონებისგან შედგებოდა. თვითონ მენსონი მკვლელობებში არ მონაწილეობდა.
სიელო-დრაივზე მდებარე სახლში იმყოფებოდნენ ორსული შერონ ტეიტი, ცნობილი სტილისტი ჯეი სებრინგი, რომან პოლანსკის საუკეთესო მეგობარი ვოჯჩიც ფრიკოვსკი და მისი მეგობარი ქალი აბიგაილ ფოლგერი. მენსონის მიერ ორგანიზებულ მკვლელობას ჩარლზ ტექს ვატსონი ხელმძღვანელობდა. სახლში შესვლამდე, მან ტელეფონის ხაზები გადაჭრა და სიგნალიზაცია ჩაახშო. გოგონები ფანჯრიდან შეიპარნენ. ჯერ ვოჯჩიცი დაინახეს. მას მისაღებ ოთახში ეძინა, აბიგაილიც იქვე – ბუხართან წიგნს კითხულობდა. შერონი და ჯეი საძინებელში საუბრობდნენ. მკვლელებმა ისინი თეთრი, დაგრეხილი თოკით გადააბეს. ჯეი შერონს გამოესარჩლა, ორსულად არის, ის მაინც დაინდეთო, მაგრამ მისმა სიტყვებმა ისე განარისხა ვატსონი, რომ მაშინვე 22 – კალიბრიანი რევოლვერით, შუბლში ორი გასროლით სიცოცხლე მოუსწრაფა. ვოჯჩიცს ჯერ ხელები შეუკრეს და ისე აწამეს. ის მეორე მსხვერპლი აღმოჩნდა. აბიგაილი ოთახიდან გაიქცა, თუმცა სექტის წევრმა პატრისია კრენვინკელმა მაინც მოახერხა ეზოში მისი დაჭერა. ვატსონი ჯერ დანით გაუსწორდა, შემდეგ კი იარაღი ესროლა. ორსულმა შერონმა ყველაზე დიდხანს იცოცხლა, მაგრამ მენსონების წინაშე ისიც უძლური აღმოჩნდა. ვატსონმა მას დანა16- ჯერ დაარტყა.
დანაშაულებრივ ჯგუფზე პოლიცია შემთხვევით გავიდა. ოჯახის ერთ-ერთი წევრი სუზან ატკინსი სულ სხვა დანაშაულისთვის დააკავეს, მან თავი ვერ შეიკავა და ციხეში, თავის თანამესაკნეს პოლანსკის ცოლისა და მისი მეგობრების დახოცვის ამბავი მოუყვა. მან კი ამის შესახებ ციხის ადმინისტრაციას აცნობა.
მენსონი დამნაშავედ ცნეს ორ სხვა მკვლელობაშიც. მას და მის სამ თანამზრახველს სიკვდილი მიუსაჯეს, მაგრამ ვიდრე განაჩენს სისრულეში მოიყვანდნენ, კალიფორნიაში 1972 წელს სიკვდილით დასჯა გაუქმდა და ვერდიქტი დამნაშავეებს სამუდამო პატიმრობით შეეცვალათ.
ჩარლზ მენსონი ციხეში 84 წლის ასაკში , 2017 წლის ნოემბერში გარდაიცვალა.
სექტის წევრები
ჩარლზ მენსონი
მსახიობი შერონ ტეიტი
"ოჯახის" წევრი სუზან ატკინსი
ლესლი ვან ჰაუთენი
"ოჯახის" წევრი პატრისია კრენვინკელი
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა