სპორტული შეჯიბრება „გორგასლიანი“ დასრულდა
საქართველო, თბილისი - 16:43 | 11.12.2015 ნანახია: 1676საქართველოს შეიარაღებულ ძალებში მიმდინარე სპორტული შეჯიბრი „გორგასლიანი“ დასრულდა. სპორტის სახეობებსა და გუნდურ თამაშებში გამარჯვებულ სამხედრო მოსამსახურეთა დაჯილდოების საზეიმო ცერემონიალი თავდაცვის სამინისტროს შემეცნებით-საგანმანათლებლო ცენტრში გაიმართა. დაჯილდოებას თავდაცვის სამინისტროს გენერალური შტაბის უფროსი, გენერალ-მაიორი ვახტანგ კაპანაძე და სხვა სამხედრო მაღალჩინოსნები ესწრებოდნენ.
საზეიმო ცერემონიალი საქართველოს სახელმწიფო ჰიმნით გაიხსნა. სამხედრო მოსამსახურეებმა და მოწვეულმა სტუმრებმა წუთიერი დუმილით პატივი მიაგეს საქართველოს ტერიტორიული მთლიანობისთვის და საერთაშორისო მისიებში დაღუპულ მებრძოლთა ხსოვნას. საქართველოს შეიარაღებული ძალების მთავარმა მოძღვარმა, დეკანოზმა დავით ლონდარიძემ დამსწრე საზოგადოება და მხედრობა დალოცა და მათ სამშობლოსათვის ბრძოლებში წარმატებები უსურვა.
ხელჩართულ ბრძოლაში, ჭადრაკში, საბრძოლო მრავალჭიდსა და მძლეოსნობა-ესტაფეტაში გამარჯვებულ სამხედროებს ხარისხობრივი მედლები და სიგელები, პირველადგილოსნებს კი საქართველოს ტერიტორიული მთლიანობისთვის და სამშვიდობო ოპერაციებში დაღუპული გმირების სახელობის გარდამავალი ფარ-ხმალი გადაეცათ.
ტურნირის ოთხი გუნდური სახეობიდან სამ გუნდურ სახეობაში პირველობა საქართველოს შეიარაღებული ძალების სპეციალური ოპერაციების ძალების გუნდებმა მოიპოვეს. ხელჩართულ ბრძოლაში, საბრძოლო მრავალჭიდსა და მძლეოსნობა-ესტაფეტაში გამარჯვებისთვის სამხედრო მოსამსახურეები სამი გარდამავალი თასით და მედლებით დაჯილდოვდნენ. გენერალური შტაბის უფროსმა, გენერალ-მაიორმა ვახტანგ კაპანაძემ სპეციალური ოპერაციების ძალების სამხედრო მოსამსახურეებს „გორგასლიანის“ მთავარი პრიზი - მგლისგამოსახულებიანი მუზარადი და ორიგინალი საბრძოლო ფარ-ხმალი გადასცა.
ჭადრაკში გუნდური პირველობა საქართველოს შეიარაღებული ძალების გენერალური შტაბის გუნდმა მოიპოვა, ხოლო ლელობურთში „გორგასლიანის“ გარდამავალი თასი ხონის II საარტიელრიო ბრიგადას ერგო.
დღესვე „გორგასლიანის“ ფარგლებში საქართველოს შეიარაღებულ ძალებში წლის განმავლობაში ჩატარებული რაგბის სამი ჩემპიონატის გამარჯვებულები დაჯილდოვდნენ. წელს სახეობის გარდამავალი თასი რაგბის პირველადგილოსან I ქვეით ბრიგადას გადაეცა.
წელს „გორგასლიანი“ სპორტის ხუთ სახეობაში ჩატარდა: ჭადრაკი; ხელჩართული ბრძოლა ხრიდოლის წესებით; შვიდკაცა რაგბი და ლელობურთი; საბრძოლო მრავალჭიდი და ესტაფეტა სირბილში.
შეჯიბრი „გორგასლიანი“ სამხედრო მოსამსახურეთა ფიზიკური მომზადებისა და საბრძოლო სულისკვეთების ამაღლებას ისახავს მიზნად. ტურნირი 16 ოქტომბერს დაიწყო. მასში მონაწილეობა საქართველოს შეიარაღებული ძალების დასავლეთ და აღმოსავლეთ სარდლობის ყველა ქვედანაყოფმა მიიღო.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა