ბრიტანეთის ელჩი დიდ დიღომში მომხდარი აფეთქების შედეგად გარდაცვლილთა ოჯახებს უსამძიმარებს

საქართველოში დიდი ბრიტანეთის ელჩი ჯასტინ მაკკენზი სმიტი დიდ დიღომში მომხდარი აფეთქების შედეგად გარდაცვლილთა ოჯახებსა და ახლობლებს სამძიმარს უცხადებს.

„შეძრული ვარ თბილისში, ერთ-ერთ საცხოვრებელ სახლში დატრიალებული ტრაგედიით. ვუსამძიმრებ გარდაცვლილთა ოჯახებსა და ახლობლებს და სწრაფ გამოჯანმრთელებას ვუსურვებ დაშავებულებს“, – წელს დიპლომატი სოციალურ ქსელ „ტვიტერში“.

აფეთქება თბილისში, დიდ დიღომში მდებარე საცხოვრებელ კორპუსში გუშინ საღამოს მოხდა. შემთხვევის შედეგად, ოთხი ადამიანი დაიღუპა, ხოლო რვა დაშავდა. დაშავებულთა შორის 6 არასრულწლოვანია. ამ დროისათვის იაშვილის კლინიკაში ერთი ბავშვი რჩება. კლინიკა დატოვა ორმა მოზრდილმაც.