მიწისძვრა სიცილიაში - არიან დაშავებულები

ოთხი ადამიანი დაშავდა სიცილიაში მიწისძვრის შედეგად, ასევე დაზიანებულია საცხოვრებელი სახლები

ევროპის ხმელთაშუა ზღვის სეისმოლოგიური ცენტრის მონაცემებით 4.9 მაგნიტუდის მიწისძვრა კატანიის პორტიდან 15 კმ-ის დაშორებით მოხდა.

მედიის ცნობით, მიწისძვრის შედეგად მსუბუქი ტრავმები მიიღო ოთხმა ადამიანმა.

მანამდე იტალიის გეოფიზიკისა და ვულკანოლოგიის ცენტრის სპეციალისტებმა ვულკან ეტნას გააქტიურება დააფიქსირეს.

სეიმოლოგებმა 150-ზე მეტი სხვადასხვა სიმძლავრის მიწისქვეშა ბიძგები დააფიქსირეს ვულკანის ზონაში, რომელიც სიცილიის აღმოსავლეთ სანაპიროს სიახლოვეს მდებარეობს.