კონკურენციის სააგენტომ საქართველოსა და EFTA-ს შორის თავისუფალი ვაჭრობის შესახებ მოლაპარაკებებში მიიღო მონაწილეობა

კონკურენციის სააგენტოს კონკურენციის დეპარტამენტის პირველი კატეგორიის მრჩეველმა ანა გუგუშვილმა საქართველოსა და ევროპის თავისუფალი ვაჭრობის ასოციაციას (EFTA) შორის საქართველოს თავისუფალი ვაჭრობის შესახებ მეორე რაუნდის მოლაპარაკებებში მიიღო მონაწილეობა, რომელიც EFTA-ს ცენტრალურ ოფისში, ქ. ჟენევაში 1-4 დეკემბერს გაიმართა.
კონკურენციის სააგენტო მთავარი მომლაპარაკებელი იყო მეორე რაუნდის მოლაპარაკებებში, კონკურენციის თავით განსაზღვრული ვალდებულებების განხილვის ნაწილში. EFTA- ს წარმომადგენლებმა გაითვალისწინეს კონკურენციის სააგენტოს მიერ შეთავაზებული წინადადებები და მხარეები შეთანხმდნენ საბოლოო ჩანაწერზე.
აღსანიშნავია, რომ ევროპის თავისუფალი ვაჭრობის ასოციაციის (EFTA) ოთხი ქვეყანა - შვეიცარია, ნორვეგია, ისლანდია და ლიხტენშტეინი ევროკავშირის წევრები არ არიან. შესაბამისად, EFTA-სთან თავისუფალი ვაჭრობის შეთანხმების გაფორმების შედეგად საქართველოში წარმოებულ საქონელსა და მომსახურებას დამატებით 4 ქვეყნის 12 მილიონიანი ბაზარი გაეხსნება.