თინათინ ხიდაშელი: „ნატოს ექნება შემდეგი გაჩერება და ეს გაჩერება საქართველოა“
საქართველო, თბილისი - 18:00 | 09.12.2015 ნანახია: 1668საქართველოს ნატოში ინტეგრაციის პერსპექტივების შესახებ ისაუბრა საქართველოს თავდაცვის მინისტრმა თინათინ ხიდაშელმა ვაშინგტონში, სტრატეგიული და საერთაშორისო კვლევების ცენტრში სიტყვით გამოსვლისას. მისი განცხადებით, ნატოს საგარეო საქმეთა მინისტერიალი საქართველოსთან მიმართებაში ერთმნიშვნელოვნად პოზიტიური იყო.
„მინისტერიალში მონაწილე საგარეო საქმეთა მინისტრებმა განაცხადეს, რომ შემდეგი ქვეყანა, რომელსაც ნატოში მიიწვევენ, საქართველო იქნება. თუ ნატოს ექნება შემდეგი გაჩერება, ეს ქვეყანა უნდა იყოს საქართველო. MAP-ის არმიღება კი დაბრკოლებას არ წარმოადგენს, რადგან თუ იქნება პოლიტიკური გადაწყვეტილება, ნატო მე-10 მუხლის მიხედვით იმოქმედებს. მაგალითად, თუ ხვალ შვედეთი გადაწყვეტს გახდეს ნატოს წევრი, მას MAP-ს კი არ შესთავაზებენ, არამედ, პირდაპირ მიანიჭებენ წევრობას,“ - განაცხადა თინათინ ხიდაშელმა.
თავდაცვის მინისტრმა საქართველოს მიერ ნატოში ინტეგრაციის გზაზე აღებული ვალდებულებების წარმატებით შესრულებაზე გაამახვილა ყურადღება: „საქართველომ ყველა ვალდებულება პირნათლად შეასრულა - განახორციელა რეფორმები, აამოქმედა ყველა ინსტრუმენტი, ბევრად უფრო მეტი ვიდრე სხვა ქვეყნებმა, რომლებიც ასევე ნატოს წევრობისკენ მიისწრაფოდნენ. ყოველწლიური ეროვნული გეგმის განხორცილება 7 წლის წინ დავიწყეთ, შეიქმნა ნატო-საქართველოს კომისია, არსებობს ნატო-საქართველოს არსებითი პაკეტი, რომელიც ნატოსა და საქართველოს შორის პრაქტიკული თანამშრომლობის ყველა კომპონენტს მოიცავს, მაგალითად, როგორიცაა ერთობლივი მომზადების ცენტრი, რომლის პრეცედენტი არცერთ ასპირანტ ქვეყანაში არ ყოფილა.“
თინათინ ხიდაშელის განცხადებით, ამ ეტაპზე, შესაძლოა, MAP ნატოში გაწევრიანების ერთ-ერთი მექანიზმია, თუმცა, მინისტერიალის მიღწევაა, რომ ის გაწევრიანებისთვის აუცილებელ პირობად აღარ განიხილება. „მე არასდროს მესმოდა დიპლომატიური ენა, რომელიც აყალიბებს ახალ წინადადებებს, ტექსტებს, მაშინ როდესაც არ ხარ მზად გადაწყვეტილების მისაღებად. ჩვენ გვჭირდება გადაწყვეტილებები,“ - აღნიშნა მან.
თავდაცვის მინისტრმა ხაზგასმით აღნიშნა მინისტერიალზე მიღწეული პროგრესი: „რაც ყველაზე ძალიან გვეამაყება ნატოს საგარეო საქმეთა მინისტერიალის კომუნიკეს ტექსტში არის ის, რომ დოკუმენტში ორჯერ ნათლად არის ხაზგასმული, რომ საქართველოს ალიანსში გაწევრიანებისთვის ყველა საჭირო ინსტრუმენტი აქვს. ასევე პირველად გვითხრეს, რომ ჩვენ გაწევრიანებისთვის მომზადების პერიოდს გავდივართ. ვხედავთ წევრი ქვეყნების სურვილს და მონდომებას დადგნენ ჩვენ გვერდით და ითანამშრომლონ უკეთესი უსაფრთხოებისთვის, შეკავების პოლიტიკისთვის და შეიქმნას ყველა პირობა, რადგან როდესაც საქართველოს სასარგებლოდ პოლიტიკურ გადაწყვეტილებას მიიღებენ, ეს პროცესი იყოს მარტივი. ნატო-საქართველოს არსებითი პაკეტის წარმატებით განხორციელება გაწევრიანების წინაპირობა იქნება. გარდა პოლიტიკური გადაწყვეტილებისა, რომელსაც ნატოს წევრები მიიღებენ, ასევე მნიშვნელოვანია საქართველომ აჩვენოს ნათელი, აშკარა და ხელშესახები პროგრესი, რომ პაკეტით აღებული ვალდებულებები შეასრულა,“ - განაცხადა თინათინ ხიდაშელმა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა