„გვაქვს კონგრესის სრული მხარდაჭერა“ - თინათინ ხიდაშელი
საქართველო, თბილისი - 11:14 | 09.12.2015 ნანახია: 1739საქართველოს თავდაცვის მინისტრი თინათინ ხიდაშელი ამერიკის შეერთებულ შტატებში ვიზიტს განაგრძობს. ვიზიტის მეორე დღეს თინათინ ხიდაშელი კონრესმენებს - მაიკ კონავეის, მაკ ტორნბერს, ადამ სმიტს, ჯეფ მილერსა და სენატორებს - ჯონი ისაკსონსა და დევიდ პერდიუს შეხვდა.
კონგრესმენებმა და სენატორებმა დიდი დაინტერესება გამოხატეს საქართველოში და ზოგადად რეგიონში მიმდინარე მოვლენებთან დაკავშირებით და მადლობა გადაუხადეს ქართულ მხარეს საერთაშორისო უსაფრთხოების განმტკიცების საქმეში შეტანილი წვლილისთვის. ყველა შეხვედრაზე აღინიშნა კონგრესის ორპარტიული მხარდაჭერა საქართველოს ტერიტორიული მთლიანობის, სუვერენიტეტისა და ნატოში ინტეგრაციის საკითხების მიმართ.
მინისტრმა მადლობა გადაუხადა სენატორებსა და კონგრესმენებს 2016 წლის აშშ-ის ეროვნული თავდაცვის ავტორიზაციის აქტში შეტანილი საქართველოს მხარდამჭერი ცვლილების გამო და საქართველოს ტერიტორიული მთლიანობის მხარდამჭერი რეზოლუციის ინიცირებისათვის.
შეხვედრებზე ისაუბრეს საქართველოს ნატოში გაწევრიანების პროცესზე, შეაფასეს თავდაცვის ბოლო მინისტერიალი და განიხილეს კონგრესის მხრიდან აღნიშნულ საკითხისადმი უფრო აქტიური მხარდაჭერის პრაქტიკული შესაძლებლობები. ხაზი გაესვა ალიანსის წევრებს შორის აშშ-ის ლიდერობას საქართველოს საკითხზე კონსენსუსის მიღწევის კუთხით.
მხარეებმა თავდაცვის სფეროში აშშ-საქართველოს თანამშრომლობის საკითხებიც განიხილეს. სენატისა და წარმომადგენელთა პალატის წევრების მხრიდან გამოითქვა მზადყოფნა, რომ საქართველოს თავდაცვითი შესაძლებლობების განვითარებაში აქტიური წვლილის შეტანის მიზნით, აშშ-ის ადმინისტრაციასთან მუშაობა გააძლიერონ.
„მნიშვნელოვანია მუდმივად განახლებული ინფორმაცია მოდიოდეს ჩვენს მეგობრებთან როგორც სენატში, ასევე წარმომადგენელთა პალატაში. ამას ჩვენი ხელისუფლება დიდ ყურადღებას უთმობს. შეუძლებელია, ვიყოთ ვაშინგტონში და რამდენიმე დღე არ დავუთმოთ ჩვენს ძველ, ყველაზე ერთგულ პარტნიორებთან კომუნიკაციას. ძირითადად საუბარი გვქონდა იმ შესაძლებლობებზე, რომელიც პოლიტიკური მხარდაჭერის კუთხით შეიძლება გადაიდგას კონგრესის მხრიდან, კონკრეტულ საკანონმდებლო აქტებზე, რომელიც შეიძლება მიიღონ აქ, ამ შენობაში და დაეხმაროს საქართველოს ერთი მხრივ რეფორმების უფრო წარმატებით განხორციელებაში, მეორე მხრივ კი პრაქტიკული ინსტრუმენტების შექმნაში, თავდაცვისუნარიანობის ამაღლებასა და ჩვენი შეიარაღებული ძალების ნატოსთან თავსებადობის მაქსიმალური სტანდარტის მიღწევაში.
გვაქვს სრული ორპარტიული მხარდაჭერა - დემოკრატებიც, რესპუბლიკელებიც თანაბარი ენთუზიაზმით გვხვდებიან. დარწმუნებული ვარ, რომ ვარშავისკენ მიმავალ გზაზე ეს მხარდაჭერა უკვე პოლიტიკურ დოკუმენტებსა და კონგრესის მიერ მიღებულ აქტებში იქნება გამოხატული,“ - განაცხადა თავდაცვის მინისტრმა.
თინათინ ხიდაშელმა კონგრესმენები და სენატორები საქართველოში ვიზიტით მოიწვია, რაც პოლიტიკური მხარდაჭერის კიდევ ერთი დემონსტრირება იქნება.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა