„ქორთიარდ მარიოტში“ ევროკავშირის ერთიანი უსაფრთხოებისა და თავდაცვის პოლიტიკის მაღალი დონის კონფერენცია გაიამრთა
საქართველო, თბილისი - 14:55 | 08.12.2015 ნანახია: 1783სასტუმრო „ქორთიარდ მარიოტში“ ევროკავშირის ერთიანი უსაფრთხოებისა და თავდაცვის პოლიტიკის მაღალი დონის კონფერენცია გაიხსნა. ფორუმი საქართველოში ევროკავშირის წარმომადგენლობის ხელმძღვანელმა, ელჩმა იანოშ ჰერმანმა და სახელმწიფო უსაფრთხოებისა და კრიზისების მართვის საბჭოს მდივანმა მინდია ჯანელიძემ გახსნეს. მონაწილეებს მისასალმებელი სიტყვით მიმართა საქართველოს თავდაცვის მინისტრის მოადგილემ ანა დოლიძემ. მან ევროკავშირის ეგიდით მიმდინარე სამხედრო მისიებში ქართული კონტინგენტის კონტრიბუციაზე ისაუბრა და აღნიშნა, რომ სექტემბრიდან საქართველო ევროკავშირის სამოქალაქო მისიებშიც ჩაერთვება. ანა დოლიძის განცხადებით, საქართველო მზადა არის, ამ მხრივ, პარტნიორ ქვეყნებს ცოდნა და გამოცდილება გაუზიაროს.
„ევროპას უსაფრთხოების თვალსაზრისით ძალიან ბევრი გამოწვევა აქვს. ყველას ახსოვს 13 ნოემბრის ტრაგედია პარიზში, მაგრამ, არ უნდა დაგვავიწყდეს ჩვენი 13 ივნისის ტრაგედია - ორივე კრიზისული მოვლენა იყო. უსაფრთხოება, კრიზისების მართვა ძალიან მწვავე საკითხია ევროპაშიც და მის სამეზობლოშიც. სასიამოვნოა, რომ ასეთი ტიპის მაღალი დონის კონფერენცია პირველად იმართება საქართველოში. საქართველო არა მხოლოდ ცოდნის მომხმარებელია, არამედ, მიმწოდებელიც. შესაბამისად, აქ წარმართული დიალოგი მისასალმებელია და, დარწმუნებული ვარ, ევროკავშირის პოლიტიკის ფორმირებისათვის აუცილებლად გამოგვადგება,“ - აღნიშნა ანა დოლიძემ ფორუმზე სიტყვით გამოსვლის შემდეგ.
იანოშ ჰერმანმა საქართველოში მაღალი დონის კონფერენციის ჩატარების მნიშვნელობაზე გაამახვილა ყურადღება და კიდევ ერთხელ აღნიშნა საქართველოს წვლილი მიმდინარე სამშვიდობო მისიებში: „ჩვენ ვაფასებთ საქართველოს კონტრიბუციას ევროკავშირის ერთიანი უსაფრთხოებისა და თავდაცვის პოლიტიკის ეგიდით მიმდინარე ოპერაციებში. საქართველოს შემთხვევა განსაკუთრებულია, რადგან ქართული სამხედრო კონტინგენტი არა მხოლოდ ევროკავშირის ეგიდით მიმდინარე ოპერაციებშია ჩართული, არამედ, საქართველო თავადაც მასპინძლობს ევროკავშირის მისიას საკუთარ ტერიტორიაზე გარკვეული მიზეზებიდან გამომდინარე. თბილისი შესანიშნავი ადგილია მსგავსი სახის კონფერენციებისთვის. ახლახან მივიღეთ ევროპის სამეზობლო პოლიტიკის მიმოხილვის დოკუმენტი, რომელიც აღმოსავლეთ პარტნიორებთან რეგიონულ პოლიტიკას განსაზღვრავს. დოკუმენტში ერთ-ერთი მნიშვნელოვანი ახალი ელემენტი სტაბილურობისა და უსაფრთხოების მიმართულებაა. ინტენსიური მსჯელობა მიმდინარეობს, თუ რა ნაბიჯების გადადგმა შეიძლება ევროპული სამეზობლო პოლიტიკის ფარგლებში, ევროკავშირის პარტნიორი ქვეყნების უსაფრთხოების გაზრდის მიზნით. ევროკავშირის სივრცეში დღეს ორმაგი გამოწვევების წინაშე ვდგავართ. ვფიქრობ, ეს კონფერენცია ნამდვილად დროულად იმართება და დარწმუნებული ვარ, რომ ჩემ მიერ ჩამოთვლილი ყველა საკითხი კონფერენციაზე განიხილება.“
სამდღიანი კონფერენციის ფარგლებში თავდაცვისა და სხვადასხვა სახელმწიფო უწყებისა და ევროკავშირის სადამკვირვებლო მისიის წარმომადგენლები ტერორიზმის, ჰიბრიდული საფრთხის, კიბერუსაფრთხოებისა და მიგრაციის საკითხებზე, ასევე, ევროკავშირის ეგიდით მსოფლიოს მასშტაბით განხორციელებულ სამხედრო და სამოქალაქო მისიებზე, ამ მისიებში საქართველოს მონაწილეობისა და მიღებული გამოცდილების შესახებ იმსჯელებენ.
ევროკავშირის ერთიანი უსაფრთხოებისა და თავდაცვის პოლიტიკის მაღალი დონის კონფერენციას საქართველო პირველად მასპინძლობს. საერთაშორისო ფორუმი ევროკავშირის სადამკვირვებლო მისიასთან აქტიური თანამშრომლობის შედეგად დაიგეგმა და სახელმწიფო უსაფრთხოებისა და კრიზისების მართვის საბჭოს ორგანიზებით ტარდება.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა