გასულ ზაფხულს ზღვასა და მდინარეებში 51 ადამიანი დაიხრჩო

გასული ზაფხულის განმავლობაში, კერძოდ, 1 ივნისიდან 5 სექტემბრის ჩათვლით პერიოდში, საქართველოში მდინარეებში, ზღვასა და ტბებში 51 ადამიანი დაიხრჩო.

ამის შესახებ ინფორმაციას პირველ არხი ავრცელებს. როგორც საზოგადოებრივ მაუწყებელს საგანგებო სიტუაციების მართვის სამსახურიდან აცნობეს, დაღუპულებს შორის უმრავლესობა 27 ადამიანი მდინარეებში დაიხრჩო, 10 ზღვაში, ხოლო 14 ტბაში.

ამავე პერიოდში მაშველების მიერ მდინარეებში, ზღვასა და ტბებში გადარჩენილთა რაოდენობამ 316 შეადგინა.