სტამბოლში, რუსეთის და მსოფლიო პატრიარქები ერთმანეთს შეხვდებიან

31 აგვისტოს, რუსეთის პატრიარქი კირილი ოფიციალური ვიზიტით სტამბოლში განთავსებულ მსოფლიო საპატრიარქოს ეწვევა. ინფორმაციას რუსეთის საპატრიარქოს სამდივნო ავრცელებს.

სავარაუდოდ, ორ საეკლესიო მაღალიერარქს შორის საუბრის მთავარი თემა უკრაინის ეკლესიის ავტოკეფალიის საკითხი იქნება.

შეგახსენებთ, რომ მიმდინარე წლისა აპრილში, რადას თანხმობით, უკრაინის პრეზიდენტმა პოროშენკომ მსოფლიო პატრიარქს მიმართვა გაუგზავნა, სადაც ის ითხოვდა უკრაინის ეკლესიის რუსეთის ეკლესიის იურისდიქციისგან გათავისუფლებას და ავტოკეფალიის მოპოვებაში მხარდაჭერას.