ქუჩაში მომუშავე ბავშვების რაოდენობა საკმაოდ არის შემცირებული - მეზვრიშვილი
საქართველო, თბილისი - 15:22 | 24.07.2018 ნანახია: 773შინაგან საქმეთა მინისტრის მოადგილე ნათია მეზვრიშვილი, “გაეროს ბავშვთა ფონდის” კვლევის პრეზენტაციას დაესწრო, რის შემდეგაც ჟურნალისტების კითხვებს უპასუხა.
„პირველ რიგში დავიწყოთ იმით, რომ ამ კვლევის ჩატარებით შინაგან საქმეთა სამინისტრო იყო დაინტერესებული და ამ კვლების ჩატარებაში იღებდა მონაწილეობას. ჩვენ გვაინტერესებდა ამ მიმართულებით რა გამოწვევების წინაშე იდგა სახელმწიფო, მათ შორის შინაგან საქმეთა სამინისტრო. იმისთვის, რომ მოგვეხდინა პრობლემების იდენტიფიცირება და ამ პრობლემების მოგვარების გზების ძიება დაგვეწყო. რამდენიმე მნიშვნელოვანი მიმართულება გამოიკვეთა. ჩვენ ვაღიარებთ იმას, რომ როდესაც საქმე ეხება ქუჩაში მომუშავე ბავშვებს, გამოწვევების წინაშე სახელმწიფო და შინაგან საქმეთა სამინისტრო დგას. ამისთვის ვდგამთ საკმაოდ ქმედით ნაბიჯებს. ვაძლიერებთ უწყებებს შორის კოორდინაციას. ამ ქმედითი ნაბიჯების ნათელი დასტურია ბოლო პერიოდში, რამდენიმე კვირის წინ ჩატარებული ის ოპერაცია, რომელიც ცენტრალური კრიმინალური პოლიციის დეპარტამენტმა ჩაატარა და რომელიც ბავშვების იძულებით შრომაში ჩართვის პრობლემის მოგვარებისკენ იყო მიმართული. ალბათ შენიშნეთ ამ ოპერაციის შემდეგ ქუჩაში მომუშავე ბავშვების რაოდენობა საკმაოდ არის შემცირებული. ეს არ არის პრობლემა, რომელიც ერთ დღეში მოგვარდება. კოორდინაცია გაზრდილია, საკმაოდ აქტიურად ვმუშაობთ პრევენციაზე და რაც მთავარია პოლიცია ამ პრობლემის მოგვარებისთვის არის გააქტიურებული.
კვლევაში რა მოსაზრებაც არის განვითარებული, არ ვეთანხმები. ყოველ შემთხვევაში დღეს ამ პრობლემის წინაშე შინაგან საქმეთა სამინისტრო არ დგას. სტატისტიკა და სტატისტიკის მიმართულებით მხოლოდ მუშაობა გამოძიების ხარისხზე ყურადღების მიქცევის გარეშე, ჩვენთვის, შინაგან საქმეთა სამინისტროსთვის პრიორიტეტი არ არის. შესაბამისად, ეს პრობლემა შინაგან საქმეთა სამინისტროში არ არსებობს.
14 წლამდე პირებში დანაშაულის ჩადენა სახელმწიფოსთვის გამოწვევას წარმოადგენს, თუმცა, ჩვენ შევისწავლეთ და გარკვეული კითხვები გაჩნდა, იმასთან დაკავშირებით 14 წლამდე პირების უკან ხომ არ დგანან კრიმინალური დაჯგუფებები ან სრულწლოვანები. ეს ასე არ არის, ესენი არიან ძირითადად 14 წელს მიღწეული პირები, 14-იდან 18 წლამდე მოზარდები, რომლებიც 14 წლამდე პირებთან ერთად დანაშაულს ჩადიან და როგორც კი ხდება ამ ადამიანების იდენტიფიცირება 14-იდან 18 წლამდე მოზარდებს ვგულისხმობ, მიმდინარეობს შესაბამისი პროცედურები, ტარდება გამოძიება და იწყება ამ მოზარდების მიმართ სისხლის სამართლებრივი დევნა. რაც შეეხება 14 წლამდე პირებს, ჩვენ არაერთხელ ვთქვით, რომ რეფერირების მექანიზმის დახვეწაზე ვმუშაობთ, ასაკის დაწევა და სისხლისსამართლებრივი პასუხისმგებლობის დაკისრება 14 წლამდე პირებისთვის არ არის ის ადეკვატური პასუხი, რაც სახელმწიფომ უნდა შესთავაზოს მოზარდებს ამ პრობლემის მოსაგვარებლად. შესაბამისად, რეფერირების მექანიზმზე მუშაობა უკვე დასრულებულია იუსტიციის, ჯანდაცვის და განათლების სამინისტროსთან ერთად. უახლოეს დღეებში ეს კანონპროექტის სახეს მიიღებს. გარდა ამისა, სხვა მიმართულებითაც ვმუშაობთ, მათ შორის ადგილობრივი პოლიციის დონეზე და უახლოეს დღეებში ეს საზოგადოებისთვის ცნობილი გახდება.
შინაგან საქმეთა სამინისტროს ადამიანის უფლებათა დაცვის დეპარტამენტმა გარკვეული პრობლემები დააიდენტიფიცირა კანონის აღსრულების კუთხით, მათ შორის საკანონმდებლო დონეზე გარკვეული პრობლემები, რომლის მოგვარებასაც ვაპირებთ. მაგალითად, მე ვისურვებდი რომ პოლიციას ცოტა უფრო მეტი ბერკეტები ჰქონდეს, რომ ასეთი მოზარდები შესაბამის სერვისებზე უხეშად რომ ვთქვათ „საკუთარი ხელით“ მიიყვანოს და გადაამისამართოს. იმიტომ, რომ ნებაყოფლობით ეს მოზარდები პოლიციას არ ემორჩილებიან, უფრო ქმედითი ბერკეტები თუ ექნება პოლიციას, რომ ეს პრობლემები მოაგვაროს კარგი იქნება. ამ წინადადებას ჩვენ აუცილებლად შესაბამის ორგანოებს უახლოეს დღეებში წარვუდგენთ,“ - განაცხადა ნათია მეზვრიშვილმა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა