თინა ხიდაშელი ევროკავშირის პარლამენტის უსაფრთხოებისა და თავდაცვის კომიტეტში სიტყვით გამოვიდა
საქართველო, თბილისი - 12:15 | 02.12.2015 ნანახია: 1817საქართველოს თავდაცვის მინისტრი თინა ხიდაშელი ევროკავშირის პარლამენტის უსაფრთხოებისა და თავდაცვის კომიტეტის წინაშე სიტყვით გამოვიდა.
ევროპარლამენტის კომიტეტის სხდომა საქართველოს საკითხის განხილვას მიეძღვნა. პარლამენტის წევრებს თავდაცვის მინისტრი კომიტეტის თავმჯდომარემ ანა ფოტიგამ წარუდგინა. საკომიტეტო მოსმენაზე თავდაცვისა და უსაფრთხოების მიმართულებით საქართველო-ევროკავშირის ურთიერთობები და სამშვიდობო მისიებში მონაწილეობის საკითხები განიხილეს. თინა ხიდაშელმა ევროპარლამენტს მხარდაჭერისთვის მადლობა გადაუხადა და აღნიშნა, რომ ევროკავშირის სადამკვირვებლო მისიის არსებობა საქართველოს ტერიტორიაზე ძალიან მნიშვნელოვანია. საქართველოს თავდაცვის მინისტრმა სიტყვით გამოსვლისას რუსეთის ოკუპაციაზე, კონფლიქტურ რეგიონებსა და შავი ზღვის რეგიონის უსაფრთხოებაზე გაამახვილა ყურადღება. შეხვედრა დისკუსიის ფორმატში გაგრძელდა.
როგორც სამინისტროში განაცხადეს, ევროპარლამენტარებმა აღნიშნეს, რომ საქართველო-ევროკავშირის ასოცირების კომიტეტის სხდომის საქართველოში ჩატარება მნიშვნელოვანი იყო. კომიტეტის თავმჯდომარემ ანა ფოტიგამ ხაზგასმით აღნიშნა, რომ საქართველოს ევროკავშირთან უვიზო მიმოსვლას მხარს უჭერს.
"კომიტეტის წევრებმა ჩვენგან საქართველოს უსაფრთხოებისთვის აუცილებელი ინსტრუმენტების შესახებ ინფორმაცია და ის დღის წესრიგი მოისმინეს, რომელიც ქართულ სახელმწიფოს დღეს ევროკავშირთან მიმართებაში აქვს. დეპუტატების მხრიდან ძალიან საინტერესო კომენტარები, საინტერესო რეკომენდაციები, გამოსვლები იყო. ჩვენთვის მნიშვნელოვანია, რომ ცალსახად მივიღოთ უზარმაზარი მხარდაჭერა, რომელიც საქართველოს ევროპარლამენტში აქვს, ერთი მხრივ, იმ პოლიტიკური კურსის, რეფორმების, რომელიც ქვეყანაში მიმდინარეობს, მეორე მხრივ, ჩვენი ტერიტორიული მთლიანობის და სუვერენიტეტის თვალსაზრისით", - განაცხადა თინა ხიდაშელმა.
ანა ფოტიგას შეფასებით, თავდაცვის მინისტრთან შეხვედრა ძალიან ინფორმაციული იყო. "გვქონდა საკმაოდ ინფორმაციული ბრიფინგი უსაფრთხოებისა და სამხედრო ასპექტებზე, საქართველოს პოლიტიკასა და ევროკავშირთან თანამშრომლობაზე, განსაკუთრებით კი ევროკავშირის ქმედებათა სამსახურის ჩარჩო ხელშეკრულების გაფორმების შემდეგ. ასევე განვიხილეთ საქართველოს მონაწილეობა ევროკავშირის ეგიდით მიმდინარე საერთაშორისო მისიებში. ვაფასებთ საქართველოს წვლილს. შესაძლებლობა გვქონდა, მოგვესმინა მინისტრის შეფასება საქართველოში არსებულ უსაფრთხოების გარემოზე აფხაზეთისა და სამხრეთ ოსეთის ტერიტორიების ოკუპაციის შემდეგ", - განაცხადა კომიტეტის თავმჯდომარემ.
თავდაცვის მინისტრის გამოსვლა ევროკავშირი-საქართველოს საპარლამენტო ასოცირების კომიტეტის თანათავმჯდომარემ საჯად კარიმმაც შეაჯამა: "ეს კიდევ ერთი ნათელი მაგალითია იმ გახსნილი ურთიერთობის, რომელიც საქართველოს მთავრობას ევროკავშირის პარლამენტთან აკავშირებს. ეს არის მუშაობის ჯანსაღი წესი. ევროკავშირის პარლამენტის საშუალებით მსგავსი შეხვედრები საქართველოსა და ევროკავშირს შორის ურთიერთობების გამყარებას უწყობს ხელს. პარლამენტებს შორის დიალოგი სამომავლო ურთიერთობებისთვის აუცილებელია", _ განაცხადა საჯად კარრიმმა.
საკომიტეტო მოსმენის შემდეგ საქართველოს თავდაცვის მინისტრი ევროპარლამენტში სახალხო პარტიის თავმჯდომარის მოადგილეს სანდრა კალნიეტეს შეხვდა. თინა ხიდაშელმა ლატვიელ დეპუტატთან საქართველოს ნატო-ში ინტეგრაციის საკითხი და არსებული გამოწვევები განიხილა.
"ბალტიისპირეთის ქვეყნების გამოცდილება ერთ-ერთი ყველაზე უფრო მნიშვნელოვანი და საინტერესოა, ვინაიდან მათ ნაბიჯ-ნაბიჯ გაიარეს ის გზა, რომელზეც ჩვენ დღეს ვდგავართ. ამიტომ ყოველი შეხვედრა ბალტიისპირეთის ქვეყნების დეპუტატებთან არის, ერთი მხრივ, სასწავლო, სარეკომენდაციო და, მეორე მხრივ, უზარმაზარი მხარდაჭერის მაჩვენებელი, რომლითაც ჩვენ შეგვიძლია მშვიდად ვიყოთ, როდესაც ბრიუსელში არ ვართ, აქ არიან ჩვენი მეგობრები, რომლებიც ჩვენს მისწრაფებებს იცავენ, ჩვენს ამოცანებზე საუბრობენ და ჩვენს რისკებზე ეძებენ პასუხებს", - აღნიშნა თავდაცვის მინისტრმა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა