ზაზა სარალიძე ვაკის პარკში მიმდინარე აქციაზე მივიდა

ვაკის პარკში მიმდინარე აქციაზე 'სოლიდარობა პოლიტიკის გარეშე" ხორავას ქუჩაზე მოკლული დავით სარალიძის მამა, ზაზა სარალიძე მივიდა.

ცნობისთვის, ვაკის პარკში აქცია "სოლიდარობა პოლიტიკის გარეშე" მიმდინარეობს.

აქციის მონაწილეების ხორავას ქუჩაზე მოკლული არასრულწლოვნების ლევან დადუნაშვილისა და დავით სარალიძის ოჯახებს სოლიდარობას უცხადებენ.

მათი თქმით, ისინი ითხოვენ არა მხოლოდ მკვლელების დასჯას, არამედ იმ ადამიანების დასჯას, ვინც მათ ხელს აფარებდა.

მათივე თქმით, რუსთაველის გამზირზე მიმდინარე აქციას ისინი არ შეურთდებიან, რადგან ფიქრობენ, რომ პოლიტიკოსები ოჯახის ტრაგედიას საკუთარი ქულების დაწერისთვის იყენებენ. 

ისინი არ ეთანხმებიან მთავრობის გადადგომის მოთხოვნას და ამბობენ, რომ გამოძიება სწორედ ხელისუფლებამ უნდა მიიყვანოს ბოლომდე.