მიხეილ ჯანელიძე პოლონეთის საგარეო საქმეთა მინისტრს შეხვდა
საქართველო, თბილისი - 10:58 | 23.05.2018 ნანახია: 1120საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე გაეროს უშიშროების საბჭოს ღია დებატების ფარგლებში პოლონეთის საგარეო საქმეთა მინისტრს იაცეკ ჩაპუტოვიჩს შეხვდა.
უშიშროების საბჭოს დებატები პოლონეთის თავმჯდომარეობის ინიციატივით გაიმართა და შეიარაღებული კონფლიქტის დროს მშვიდობიანი მოსახლეობის უფლებების დაცვის საკითხებს დაეთმო. მასში მონაწილეობა მიიღო საქართველოს საგარეო უწყების ხელმძღვანელმა.
ორმხრივ შეხვედრაზე მიხეილ ჯანელიძემ მადლობა გადაუხადა პოლონეთს უშიშროების საბჭოს ფორმატში საერთაშორისო თანამეგობრობისათვის მნიშვნელოვანი საკითხების წამოწევისთვის. როგორც პოლონეთის საგარეო საქმეთა მინისტრმა აღნიშნა, პოლონეთისთვის მნიშვნელოვანია გაეროს უშიშროების საბჭოს თავმჯდომარეობის პერიოდში ყურადღება გაამახვილოს ისეთ პრობლემატურ საკითხებზე, რომელიც უკავშირდება საერთაშორისო სამართლის პრინციპების დარღვევას, გაეროს წვერი ქვეყნების სუვერენიტეტსა და ტერიტორიულ მთლიანობას.
იაცეკ ჩაპუტოვიჩმა აღნიშნა პოლონეთის მხარდაჭერა საქართველოს ევროპული და ევრო-ატლანტიკური ინტეგრაციის და ასევე ჩვენი ქვეყნის სუვერენიტეტისა და ტერიტორიული მთლიანობის მიმართ და აღნიშნა რომ პოლონეთი ყურადღებით ადევნებს თვალს საქართველოს ოკუპირებულ რეგიონებში არსებულ ვითარებას და ინფორმირებულია ადგილზე ადამიანის უფლებების მხრივ არსებული მძიმე მდგომარეობის შესახებ.
მინისტრებმა ხაზი გაუსვეს საქართველოსა და პოლონეთს შორის თანამშრომლობის მაღალ დონეს. მიხეილ ჯანელიძემ მადლობა გადაუხადა პოლონურ მხარეს საქართველოს დემოკრატიული რესპუბლიკის 100 წლისთავისადმი მიძღვნილ ღონისძიებებში მონაწილეობის მისაღებად თბილისში პოლონეთის პრეზიდენტის ანჯეი დუდას დაგეგმილი ვიზიტის გამო. როგორც ჩაპუტოვიჩმა აღნიშნა, ეს გახლავთ პოლონეთის მხრიდან საქართველოს მხარდაჭერის მორიგი გამოხატულება.
მინისტრებმა ისაუბრეს ნატოს ბრიუსელის სამიტზე, ხაზი გაესვა ალიანსში ინტეგრაციის გზაზე საქართველოს წარმატებას და გამოითქვა იმედი, რომ საქართველოს პროგრესი სათანადოდ იქნება ასახული ნატოს მოახლოებულ სამიტზე და საქართველო წარმოდგენილი იქნება ყველა შესაბამის ფორმატში.
პოლონეთის საგარეო საქმეთა მინისტრი ასევე მიესალმა საქართველოს წარმატებებს ევროპული ინტეგრაციის გზაზე. მინისტრმა პოლონელ კოლეგას ინფორმაცია მიაწოდა საქართველოს მთავრობის მიერ შემუშავებული "ევროინტეგრაციის საგზაო რუკის" შესახებ, რაც მიზნად ისახავს საქართველოს ინსტიტუციურ, საკანონმდებლო და მეტ ფიზიკურ დაახლოებას ევროკავშირთან.
პოლონურმა მხარემ მზადყოფნა გამოთქვა გაუზიაროს საქართველოს ამ მიმართულებით საკუთარი გამოცდილება, რაც წარმატებით ხორციელდება უკვე "თბილისის კონფერენციის" ფარგლებში. მიხეილ ჯანელიძემ პოლონელი კოლეგა საქართველოში მოიწვია და თავის მხივ გამოთქვა მზადყოფნა ეწვიოს პოლონეთს.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა