ჰავაიზე ვულკანის ამოფრქვევის გამო თვითმფრინავებისთვის საფრთხის მაქსიმალური დონე გამოცხადდა

საქართველო, თბილისი - 12:50 | 16.05.2018
ნანახია: 54

აშშ-ის გეოლოგიურმა სამსახურმა ჰავაის კუნძულებზე ვულკან კილაუეას ამოფრქვევის შედეგად ფერფლისა და დიდი სმოგის წარმოქმნის გამო თვითმფრინავები ფრენისთვის საფრთხის მაქსიმალური - წითელი დონე გამოაცხადა.

სამსახურის განცხადებაში ნათქვამია, რომ ვულკანის სეისმური აქტივობა შესაძლოა გაძლიერდეს და ახალი მიწისქვეშა ბიძგები და აფეთქებები გამოიწვიოს.

გასულ კვირას უშუალოდ ვულკანის სიახლოვეს მდებარე რაიონებიდან 2 ათასზე მეტი ადამიანის ევაკუაცია განხორციელდა, 14 მაისს კი ევაკუაციის ახალი ტალღის შესახებ განაცხადეს.

ადგილობრივი ხელისუფლების შეფასებით ვულკანის ამოფრქვევამ ტურისტულ სექტორს უკვე დაახლოებით 5 მლნ დოლარის ზარალი მიაყენა.

ვულკანმა სეისმური აქტივობა მაისის დასაწყისიდან გამოავლინა. კილაუეა მსოფლიოში ერთ-ერთ აქტიურ მოქმედ ვულკანად მიიჩნევა. ვულკანის სიმაღლე ზღვის დონიდან 1247მეტრს შეადგენს.

 




არქივი

მოგვძებნე Facebook-ზე