ელიავას ბაზრობასთან სპეცოპერაცია მიმდინარეობს

თბილისში, ელიავას ბაზრობის მიმდებარე ტერიტორიაზე სპეცოპერაცია მიმდინარეობს. აღნიშნული ინფორმაცია ჟურნალისტებს შინაგან საქმეთა სამინისტროში დაუდასტურეს.

„შინაგან საქმეთა სამინისტროს ცენტრალური კრიმინალური პოლიციის დეპარტამენტი  ამ წუთებში ერთ-ერთ სისხლის სამართლის საქმეზე საგამოძიებო მოქმედებებს ატარებს. საგამოძიებო მოქმედებები ახლაც გრძელდება და  საქმის დეტალებზე ინფორმაციას უახლოეს პერიოდში მოგაწვდით“, - განმარტავენ შსს-ში.