ევროკავშირი საქართველოში ინდუსტრიული და სამომხმარებლო არასასურსათო პროდუქტების ბაზარზე ზედამხედველობის პროექტს იწყებს
საქართველო, თბილისი - 17:28 | 15.03.2018 ნანახია: 960ევროკავშირის დაძმობილების პროექტის: "ტექნიკური და სამშენებლო ზედამხედველობის სააგენტოს შესაძლებლობების გაზრდა საქართველოში ბაზარზე ზედამხედველობის სისტემის განვითარებისთვის“ პრეზენტაცია გაიმართა.
პროექტს ევროკავშირი აფინანსებს და მისი ბიუჯეტი 4,5 მილიონი ლარია. პროექტი დაიწყო 2018 წლის იანვარში და 24 თვის განმავლობაში გაგრძელდება. პროექტს ახორციელებენ ევროკავშირის მიერ შერჩეული, დიდი ბრიტანეთისა და ლიტვის ბაზარზე ზედამხედველობის ორგანიზაციები, რომლებიც საქართველოს ეკონომიკისა და მდგრადი განვითარების სამინისტროს სსიპ ტექნიკური და სამშენებლო ზედამხედველობის სააგენტოსთან იმუშავებენ.
დაძმობილების პროექტის მიზანია, დახმარება გაუწიოს საქართველოს მთავრობას ინდუსტრიული და სამომხმარებლო არასასურსათო პროდუქტების ბაზარზე ზედამხედველობის, და, აქედან გამომდინარე, მოქალაქეთა უსაფრთხოების დაცვისა და ევროკავშირის ქვეყნებსა და საქართველოს შორის სავაჭრო ურთიერთობებში ტექნიკური ბარიერების მოხსნის კუთხით, ევროკავშირის საუკეთესო პრაქტიკის დანერგვაში. აღნიშნული შეესაბამება ასოცირების შეთანხმების, მათ შორის, ევროკავშირთან ღრმა და ყოვლისმომცველი თავისუფალი ვაჭრობის ზონის მიზნებს, რაც გულისხმობს ევროკავშირის ბაზარზე საქართველოს ჩართულობის ეტაპობრივად გაზრდას.
პროექტი მხარს დაუჭერს ტექნიკური და სამშენებლო ზედამხედველობის სააგენტოს ევროკავშირის საუკეთესო პრაქტიკის შესაბამისად განავითაროს ბაზარზე ზედამხედველობის სისტემა საქართველოში. კერძოდ, ის ხელს შეუწყობს სამართლებრივი ჩარჩოს განვითარებას, სააგენტოს შესაძლებლობების გაზრდას და ცნობიერების ამაღლებას პროდუქტის უსაფრთხოების და ბაზარზე ზედამხედველობის კუთხით, დაწესებულებებს, მომხმარებლებსა და ბიზნესის წარმომადგენლებს შორის.
შეხვედრას უძღვებოდა ტექნიკური და სამშენებლო ზედამხედველობის სააგენტოს უფროსი გრიგოლ კაკაურიძე. მასში მონაწილეობდნენ საქართველოს ეკონომიკისა და მდგრადი განვითარების სამინისტროდან - გიორგი ჩიტაძე, საქართველოში ევროკავშირის წარმომადგენლობიდან - ვინსენტ რეი, საქართველოს საგარეო საქმეთა სამინისტროდან - არჩილ ყარაულაშვილი, საქართველოში დიდი ბრიტანეთის საელჩოდან - ბენ ლუკოკი და საქართველოში ლიტვის რესპუბლიკის საელჩოდან - შარუნე კუბილიუტე. ასევე, წარმომადგენლები პროექტის განმახორციელებელი ორგანიზაციებიდან და ტექნიკური და სამშენებლო ზედამხედველობის სააგენტოდან.
დამსწრე საზოგადოებას პროექტთან დაკავშირებით პრეზენტაციები წარუდგინეს ტექნიკური და სამშენებლო ზედამხედველობის სააგენტოს უფროსის მოადგილემ - რამაზ ობოლაძემ, პროექტის განმახორციელებელი ორგანიზაციის მთავარმა აღმასრულებელმა ოფიცერმა დიდი ბრიტანეთიდან - გრემ მაკკამონმა, პროექტის მთავარმა ლიდერმა დიდი ბრიტანეთიდან - დევიდ ბეიკერმა, პროქტის ლიდერმა ლიტვიდან - ნერინგა ბარონიენემ და პროექტის მუდმივმა უცხოელმა მრჩეველმა - ენდი ბუკავსმა.
ტექნიკური და სამშენებლო ზედამხედველობის სააგენტოს უფროსმა, გრიგოლ კაკაურიძემ ისაუბრა პროექტის მიზანზე, დახმარება გაეწიოს საქართველოში არასასურსათო პროდუქტების ბაზარზე ზედამხედველობის სისტემის განვითარებას, მოქალაქეთა ჯანმრთელობისა და უსაფრთხოების დაცვის, ადგილობრივი ბიზნესებისთვის მხარდაჭერისა და ტექნიკური ბარიერების მოხსნის გზით უცხოურ ბაზრებზე წვდომის გაუმჯობესებით.
„ასეთი დაძმობილების პროექტები აახლოებს ევროკავშირის წევრი ქვეყნების ადმინისტრაციებსა და საქართველოს სამთავრობო ორგანოებს ევროკავშირის საუკეთესო პრაქტიკის გაზიარების კუთხით პრაქტიკულ დონეზე. აღნიშნული პროექტი დაეხმარება მთავრობას არამხოლოდ ასოცირების შეთანხმების ვალდებულებების შესრულებასა და ევროკავშირის ერთიან ბაზარზე წვდომის მიღებაში, არამედ ბაზარზე ზედამხედველობის კუთხითაც, ის ხელს შეუწყობს ბაზარზე განთავსებული საფრთხის შემცველი პროდუქტების იდენტიფიცირებასა და მათი გაყიდვებიდან ამოღებას, რითაც დაიცავს ქართველ მომხმარებლებს“ - განაცხადა საქართველოში ევროკავშირის წარმომადგენლობის კოოპერაციის უფროსმა ვინსენტ რეიმ.
მონაწილეებმა ისაუბრეს პროექტის მნიშვნელობაზე, მის როლზე საქართველოს ევროკავშირთან ინტერგაციის პროცესში და პროექტის ფარგლებში დაგეგმილ ღონისძიებებზე.
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა