კრწანისი-შინდისის დამაკავშირებელი გზა ნადიკვრის მეორე შესახვევიდან დაიწყება და სოფელ შინდისში ჯავახიშვილის ქუჩას შეუერთდება
საქართველო, თბილისი - 14:07 | 24.11.2015 ნანახია: 1769კრწანისი-შინდისის დამაკავშირებელი 5-კილომეტრიანი გზა, ნადიკვრის მეორე შესახვევიდან დაიწყება და სოფელ შინდისში ჯავახიშვილის ქუჩას შეუერთდება. შესაბამისად, გავრცელებული ინფორმაცია, თითქოს ხეების მოჭრა პროექტ "პანორამა თბილისს" უკავშირდება სიმართლეს არ შეესაბამება, - ამის შესახებ თბილისის მერმა, დავით ნარმანიამ დღეს დედაქალაქის მერიაში გამართულ ბრიფინგზე განაცხადა, რომელიც კრწანისი-შინდისის დამაკავშირებელი გზის მიმდებარე ტერიტორიაზე ხეების მოჭრას უკავშირდება.
„კრწანისი-შინდისის დამაკავშირებელი გზა ძალიან მნიშვნელოვანი ინფრასტრუქტურული პროექტია ქალაქისათვის, რომელიც სატრანსპორტო ნაკადებისგან განტვირთავს დედაქალაქის ისტორიულ უბანს და ისეთ ცენტრალურ ქუჩებს, როგორიცაა: ლეონიძის, ლორთქიფანიძის, მაჩაბლის, ასათიანის, ამაღლების, იაშვილის ქუჩები და მათი მიმდებარე ტერიტორია.
სწრაფი ურბანიზაციის ფონზე, მაშინ, როდესაც ქალაქსა და მის შემოგარენში მოსახლეობის რიცხვი პერმანენტულად მატულობს, ბუნებრივია, დგება ალტერნატიული გზების გაჩენის საკითხი, რათა ცენტრალურ ქუჩებზე განიტვირთოს მოძრაობა და თავიდან იქნეს აცილებული საავტომობილო კოლაფსი. მოგეხსენებათ, რომ დედაქალაქი აღნიშნული საფრთხის წინაშე 13 ივნისის სტიქიის შემდეგაც დადგა და შექმნილი მდგომარეობის ერთ-ერთი მთავარი გამომწვევი მიზეზი, სწორედ, გადაადგილების ალტერნატიული გზების არ არსებობა იყო. ამასთან, მოგეხსენებათ, რომ შინდისი და მიმდინარე დასახლებები, საკმაოდ ინტენსიურად ვითარდება. სწორედ, აღნიშნულიდან გამომდინარე დადგა კრწანისი-შინდისის დამაკავშირებელი გზის პროექტის განხორციელების საჭიროება, რაც, თავისთავად, გულისხმობს არსებული გზის გაფართოებასა და ბუნებრივია, დგება აღნიშნულ ტერიტორიაზე ხეების მოჭრის საკითხი.
მოგეხსენებათ, რომ ჩვენ კატეგორიულად ვემიჯნებით დედაქალაქში არსებული მწვანე საფარის ნებისმიერი სახით დაზიანებას, აღნიშნულ ტერიტორიაზე კი პროექტით 400-მდე ძირი ხის მოჭრაა გათვალისწინებული. სწორედ ამიტომ, ხეების ნაწილს გადავრგავთ მიმდებარე ტერიტორიაზე, მოჭრილი ხეების სანაცვლოდ კი 2015 წლის საშემოდგომო რგვების ფარგლებში, დეკემბრის შუა რიცხვებამდე, დაირგვება 1000 ძირი 2 მეტრამდე სიმაღლის, 6 წლიანი ფიჭვის და 3 მეტრამდე სიმაღლის 4000 ძირი იფანის ნერგი, 3 წლიანი მოვლა-პატრონობის გარანტიით. 2016 წლის გაზაფხულზე როგორც მინიმუმ, 15 000 ახალი ხის დარგვა იგეგმება. ტერიტორიის გამწვანების ფარგლებში, დაირგვება როგორც ფიჭვის, ასევე სხვა ადგილობრივი სახეობების ნერგები, რაც ხელს შეუწყობს ტყის კორომის მდგრადობას.
რაც შეეხება პროექტის მიმდინარეობას, ამ ეტაპზე წარმოებს ბუნებრივი აირის გამტარი მილის გადატანის სამუშაოები, 2016 წლიდან კი, 5 კილომეტრიანი ახალი გზის მშენებლობა დაიწყება. დაგეგმილია არსებული გზის გაფართოება, მისი კაპიტალურად შეკეთება და, ამასთან, 7 მეტრი სიგანის ახალი გზის მშენებლობა.
ამასთან აღსანიშნავია, რომ კრწანისი-შინდისის დამაკავშირებელი 5 კილომეტრიანი გზა დაიწყება ნადიკვრის მეორე შესახვევიდან და პირდაპირ უერთდება სოფელ შინდისში ჯავახიშვილის ქუჩას, შესაბამისად, გავრცელებული ინფორმაცია, თითქოს ხეების მოჭრა პანორამა თბილისის პროექტს უკავშირდება, სიმართლეს არ შეესაბამება“, - განაცხადა დავით ნარმანიამ.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა