შრომის უსაფრთხოების კანონპროექტი ჩვენი მოქალაქეების სიცოცხლისა და ჯანმრთელობის უზრუნველყოფის ინტერესებს მოემსახურება - აკაკი ზოიძე
საქართველო, თბილისი - 15:38 | 21.02.2018 ნანახია: 974„ჩვენ დღეს ვიღებთ მართლაც დაბალანსებულ კანონმდებლობას, რომელიც მართლაც მოემსახურება ჩვენი მოქალაქეების სიცოცხლისა და ჯანმრთელობის უზრუნველყოფის ინტერესებს",- ამის შესახებ ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძემ პარლამენტის პლენარულ სხდომაზე, შრომის უსაფრთხოების კანონპროექტის შეფასებისას განაცხადა.
აკაკი ზოიძის თქმით, შრომატევადი სამუშაო პროცესის შემდეგ, მნიშვნელოვან საკითხებზე კონსესუსი იქნა მიღწეული. კომიტეტის თავმჯდომარემ სამუშაო ჯგუფის ხელმძღვანელს, დეპუტატ დიმიტრი ცქიტიშვილს და პროცესში მონაწილე ყველა მხარეს მადლობა გადაუხადა. მისი თქმით, აუცილებელი იქნება მუშაობის გაგრძელება ახალი საკანონმდებლო ინიციატივების მიმართულებით, რომლებიც შრომის უსაფრთხოების მიმართულებით მეტი გარანტიას უზრუნველყოფს.
„თქვენს ყურადღებას მივაპყრობ კანონპროექტს, რომელსაც მეორე მოსმენით, რამდენიმე დღის წინ მხარი დაუჭირა ჯანმრთელობის დაცვისა და სოციალურ საკითხთა კომიტეტმა და რომელიც ეხება სწორედ უსაფრთხო შრომას, რომელიც არის შრომის უსაფრთხოების შესახებ კანონპროექტი და თანმდევი პაკეტი და რომელიც იყო შედეგი საკმაოდ ხანგრძლივი, მაგრამ შრომატევადი პროცესისა, კონსესუსის აშენების ისეთი მნიშვნელოვანი საკითხების მიმართ, როგორიც გახლავთ საკანონმდებლო გარემოს შექმნა ამ ქვეყანაში, რომელიც ერთის მხრივ, ხელს უწყობს ახალი სამუშაო ადგილების შექმნას და მეორეს მხრივ, ხელს უწყობს იმას, რომ ეს სამუშაო ადგილები იყოს უსაფრთხო და არ წარმოადგენდეს საფრთხეს მოქალაქეების ჯანმრთელობისა და სიცოცხლისთვის. აი ამ ოქროს შუალედზე შეჯერებას დასჭირდა ის დრო, რომელიც გავიდა პარლამენტის მიერ პირველი მოსმენით კანონპროექტის პრინციპებისთვის მხარის დაჭერის შემდგომ. ამ პროცესში მონაწილეობდა ყველა დაინტერესებული მხარე, დამსაქმებლები, დასაქმებულთა წარმომადგენლები, არასამთავრობო ორგანიზაციები, დაინტერესებული მოქალაქეთა ჯგუფებიც და ამას ხელმძღვანელობდა და კოორდინაციას უწევდა ჩვენი კოლეგა დიმიტრი ცქიტიშვილი, რომელსაც, ასევე, მინდა, დიდი მადლობა გადავუხადო გაწეული შრომისთვის, ისევე, როგორც ამ პროცესში მონაწილე ყველა მხარეს. მინდა, კოლეგებო, დაგარწმუნოთ, რომ ჩვენ მიუხედავად იმ განცხადებებისა, რომლებიც საჯარო სივრცეში გვესმის ერთი, მეორე ან მესამე მხრიდან, ჩვენ დღეს ვიღებთ მართლაც დაბალანსებულ კანონმდებლობას, დღეს და ხვალ ამ სხდომაზე, რომელიც მართლაც მოემსახურება ჩვენი მოქალაქეების სიცოცხლისა და ჯანმრთელობის უზრუნველყოფის ინტერესებს. მაგრამ, იმავდროულად, მინდა, ძალიან მკაფიოდ განვაცხადო, რომ შრომის ინსპექცია არის ერთ-ერთი უმნიშვნელოვანესი კომპონენტი უსაფრთხოებისა, მაგრამ არ გახლავთ ერთადერთი. აუცილებელი იქნება მუშაობის გაგრძელება ახალი საკანონმდებლო ინიციატივების მიმართულებით, რომელიც კიდევ უფრო მეტ გარანტიას და მეტ მექანიზმს აამუშავებს შრომის უსაფრთხოების უზრუნველყოფისთვის. იმისთვის, რომ ამ ქვეყანაში შეწყდეს გამოცხადებული სიკვდილის ქრონიკა, იმისთვის, რომ ჩვენ არ გვეღუპებოდეს ადამიანები თავიანთ სამუშაო ადგილებზე, იმ პროცესში, როდესაც თავიანთი ოჯახებისთვის სარჩო მიაქვთ. ამიტომ, აქ ძალიან მნიშვნელოვანი იქნება ინტერპარტიულიც და პარტიათაშორისი საზღვრების გარეშეც ვიმუშაოთ ყველამ ერთად ამ თემებზე, რაც ეხება, იგივე, ხელშეწყობის მექანიზმებს, რომ მეტი წახალისება ჰქონდეს ბიზნესს, რომ შრომის უსაფრთხოების ნორმები დაიცვან, სასამართლო პრაქტიკის გამკაცრება, მათ შორის, სისხლის სამართლის კანონმდებლობა შრომის უსაფრთხოების ნორმების იგნორირების მიმართულებით და მთელი რიგი სხვა ინიციატივები, რომლებიც ევროპის საუკეთესო პრაქტიკას მოიცავს და ამ კუთხით, მინდა, კიდევ ერთხელ გამოვეხმაურო პარლამენტის თავმჯდომარის განცხადებას, რომელიც მან გააკეთა იმის თაობაზე, რომ პარლამენტი იქნება ღია პლატფორმა სამმხრივი დიალოგისთვის და არა მარტო სამმხრივი დიალოგისთვის, არამედ ყველა დაინტერესებული მხარის მონაწილეობით ამ მიმართულებით",- განაცხადა აკაკი ზოიძემ.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა