რუსეთი ცხინვალის ოკუპირებულ რეგიონში სამხედრო წვრთნას ატარებს

საქართველო, თბილისი - 12:47 | 29.01.2018

ნანახია: 1774

რუსეთმა სამხრეთ ოლქში მასშტაბური სამხედრო წვრთნა დაიწყო. ამის შესახებ „სპუტნიკ-ოსეტია“ იტყობინება.

გავრცელებული ინფორმაციით, სწავლებაში ოკუპირებულ სამხრეთ ოსეთში განთავსებული რუსული სამხედრო ბაზის მოსამსახურეებიც ჩაერთვებიან.

მანევრებში სულ 4 ათასი ერთეული შეიარაღება და სამხედრო ტექნიკა იქნება ჩართული.

სწავლება ერთ კვირას გასტანს.