კადიროვის ქალიშვილმა, გროზნოში, ქალის ეროტიკული საცვლების და ინტიმური აქსესუარების მაღაზია გახსნა

ჩეჩნეთის პრეზიდენტის რამზან კადიროვის 18 წლის ქალიშვილმა, აიშათ კადიროვამ გროზნოს ცენტრში ქალის ეროტიკული საცვლების და ინტიმური აქსესუარების მაღაზია Lady A გახსნა.

მაღაზიის საზეიმო გახსნის შესახებ პოპულარულმა ჩეჩენმა ბლოგერებმა დაწერეს. ,,ბიბისის“ ინფორმაციით, მაღაზია ვიწრო წრეში რეკლამდება და სოციალურ ქსელში გამოქვეყნებული ზოგიერთი ფოტო და ვიდეომასალა სტატიის გამოქვეყნების შემდეგ წაიშალა.

მაღაზიაში ცნობილი ამერიკული და ევროპული, ქალის თეთრეულის ბრენდების პროდუქცია იყიდება. Lady A ქალებს მოუწოდებს, უფრო თამამები იყვნენ.