თინათინ ხიდაშელი იაპონიის პარლამენტში უსაფრთხოების კომიტეტის თავმჯდომარეს შეხვდა
საქართველო, თბილისი - 14:42 | 13.11.2015 ნანახია: 1923საქართველოს თავდაცვის მინისტრი თინათინ ხიდაშელი იაპონიაში ოფიციალურ ვიზიტს განაგრძობს. დღეს თავდაცვის უწყების ხელმძღვანელი იაპონიის პარლამენტში წარმომადგენელთა პალატის უსაფრთხოების კომიტეტის თავმჯდომარეს სეიგო კიტამურას შეხვდა. თინათინ ხიდაშელმა იაპონიის მთავრობას საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა. მხარეებმა საქართველოსა და იაპონიის უსაფრთხოების გამოწვევებზე ისაუბრეს. განსაკუთრებული ყურადღება გამახვილდა საქართველოს ევროპულ და ევროატლანტიკურ სტრუქტურებში ინტეგრაციის საკითხზე. იაპონიის პარლამენტის უსაფრთხოების კომიტეტის თავმჯდომარემ აღნიშნა, რომ საქართველოსა და იაპონიის თავდაცვის სამინისტროებს შორის გაფორმებული მემორანდუმი ორ ქვეყანას შორის თანამშრომლობის გაღრმავებას შეუწყობს ხელს. სეიგო კიტამურამ იმედი გამოთქვა, რომ იაპონიის პარლამენტი აქტიურად ჩაერთვება ამ პროცესში. მან ხაზგასმით აღნიშნა საქართველოს, როგორც ევროპისა და აზიის დამაკავშირებელი დერეფნის როლი და მნიშვნელობა. საქართველოს თავდაცვის მინისტრმა იაპონელი პარლამენტარი საქართველოში მოიწვია. თინათინ ხიდაშელის განცხადებით, კომიტეტის თავმჯდომარე მზად არის საქართველოს ეწვიოს და ადგილზე გაეცნოს შექმნილ ვითარებას და თანამშრომლობის კონკრეტულ პროექტებზე შეთანხმდნენ.
მინისტრის განცხადებით, შეხვედრაზე ქართულმა მხარემ იაპონიასთან თანამშრომლობის გაძლიერების მიზნით უამრავი წინადადება მიიღო, მათ შორის თავდაცვის და უსაფრთხოების საკითხებზე.
სეიგო კიტამურამ თანამშრომლობის გაღრმავებისთვის მზადყოფნა დაადასტურა და ორ ქვეყანას შორის მეგობრული ურთიერთობების გააქტიურების მნიშვნელობაზე ისაუბრა: „საქართველოს თავდაცვის ახალგაზრდა მინისტრმა დიდი შთაბეჭდილება მოახდინა ჩვენზე. ის ძალიან კარგი დიპლომატია და კარგად ერკვევა საერთაშორისო საკითხებში. თინათინ ხიდაშელი ძალიან მოტივირებული მინისტრია და კარგად აქვს გაცნობიერებული, რა მისია აკისრია ქვეყნის წარმატებასა და განვითარებაში. 25 წელი გავიდა საქართველოს დამოუკიდებლობიდან და დღეს იაპონია მზად არის ურთიერთობის გაღრმავებისთვის. იაპონიის საპარლამენტო მეგობრობის ლიგის თავმჯდომარე იჩირო აისავასთან ერთად მზად ვართ დავგეგმოთ საქართველოში ვიზიტი, რაც შესაძლებლობას მოგვცემს გავეცნოთ საქართველოს გეოპოლიტიკასა და ეკონომიკურ ვითარებას. განსაკუთრებით მნიშვნელოვანია საქართველოს ინტეგრაცია ევროპასთან და, ამ მხრივ, თანამშრომლობა უნდა გაღრმავდეს. საქართველო და იაპონია პატარა ქვეყნები არიან და მათ საერთაშორისო დონეზე მეგობრები სჭირდებათ. ჩვენ მზად ვართ მეგობრული ურთიერთობებისთვის.“
დღესვე, თავდაცვის მინისტრი იაპონიის პარლამენტის წევრს, თავდაცვის ყოფილ მინისტრს, იურიკო კოიკეს შეხვდა. საუბრის მთავარი თემა იყო რეგიონული და საერთაშორისო უსაფრთხოების საკითხები, აქცენტი გაკეთდა უკრაინაში, მთიან ყარაბახსა და საქართველოს ოკუპირებულ ტერიტორიებზე რუსეთის ქმედებებზე. ასევე, ისაუბრეს მსოფლიოში ტერორიზმის საფრთხეებსა და საერთაშორისო მისიებში მონაწილეობის თემაზე.
„ძალიან მნიშვნელოვანი იყო იაპონიის პარლამენტის ერთ-ერთ გავლენიან დეპუტატთან შეხვედრა, რომელიც ამავდროულად ყოფილი თავდაცვის მინისტრია და უკვე 15 წელია მუშაობს ცენტრალური აზიის და სამხრეთ კავკასიის პრობლემატიკაზე. მისთვის ჩვენი რეგიონი კარგად ნაცნობია. ჩემი აზრით, უმნიშვნელოვანესია, როდესაც ასეთ ადამიანებთან პირად კონტაქტებს ვამყარებთ, ადამიანები, რომლებიც საკუთარ ქვეყანაში გავლენიანი პოლიტიკოსები არიან, რომლებიც იცნობენ შენს რეგიონს, აინტერესებთ, აწუხებთ ეს საკითხები და უნდათ, რომ გვერდში დაგიდგნენ და მხარდაჭერა გამოხატონ“, - განაცხადა თინათინ ხიდაშელმა.
იურიკო კოიკემ კი განაცხადა, რომ, როგორც თავდაცვის ყოფილი მინისტრი, თვალყურს მიადევნებს საქართველოსა და იაპონიის თავდაცვის სამინისტროებს შორის გაფორმებულ ურთიერთთანამშორმლობის მემორანდუმს, რათა დოკუმენტით გათვალისწინებული მიმართულებები ორივე ქვეყნისთვის ეფექტურად განხორციელდეს.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა