პრეზიდენტის სასახლეში საბერძნეთის ელჩის მიერ რწმუნებათა სიგელების გადაცემის ცერემონია გაიმართა

საქართველოს პრეზიდენტს გიორგი მარგველაშვილს დღეს საქართველოში საბერძნეთის ელჩმა დიმიტრიოს კარაბალისმა რწმუნებათა სიგელები გადასცა.

რწმუნებათა სიგელების გადაცემის ოფიციალური ცერემონიის დასრულების შემდეგ საქართველოს პრეზიდენტმა დიპლომატთან შეხვედრა გამართა.

შეხვედრისას მხარეებმა საქართველო-საბერძნეთის ურთიერთობა და ქვეყნებს შორის აქტიური თანამშრომლობის კიდევ უფრო განვითარების მნიშვნელობაზე ისაუბრეს. გიორგი მარგველაშვილმა ახლადდანიშნულ ელჩს შემდგომ საქმიანობაში წარმატებები უსურვა.