საგამოძიებო სამსახურმა სასაქონლო ზედნადების გარეშე ხე - ტყის მასალის ტრანსპორტირების ორი ფაქტი გამოავლინა

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად,  სამეწარმეო საქმიანობისათვის სასაქონლო ზედნადების გარეშე ხე - ტყის მასალის (ფიცარი) ტრანსპორტირების ორი ფაქტი გამოავლინეს. პირველ შემთხვევაში ადგილი ჰქონდა 22 მ³ საქონლის ზედნადების გარეშე ტრანსპორტირების,  ხოლო მეორე შემთხვევაში  13 მ³ საქონლის ტრანსპორტირების ფაქტებს.

ამოღებულია ხე - ტყის მასალა და სატრანსპორტო საშუალებები. მიმდინარეობს საგამოძიებო მოქმედებები ხე - ტყის მასალის წარმომავლობისა და დანაშაულში შესაძლო თანამონაწილე პირების გამოვლენა - მხილების მიზნით.

გამოძიება მიმდინარეობს საქართველოს სისხლის სამართლის კოდექსის მე 200 პრიმა 3 მუხლის პირველი ნაწილით, რაც ითვალისწინებს თავისუფლების აღკვეთას 3 წლამდე ვადით.