კოლუმბიის პორტში აფეთქებების სერიას მსხვერპლი მოყვა

სულ მცირე ექვსი ადამიანი დაიღუპა და 20 დაშავდა კოლუმბიის ქალაქ კარტახენას პორტში.

აფეთქებების მიზეზი დგინდება. სააგენტო „ფრანს პრესი“ წყაროზე დაყრდნობით იუწყება, რომ პოლიცია არკვევს იყო თუ არა ეს დაგგემილი თავდასხმა.

საგანგებო სამსახურის ინფორმაციით, სამი აფეთქება მოხდა.

მეხანძრეების მონაცემებით, ორი აფეთქება მოხდა ამერიკის გემთსაშენი ქარხნის Astivik-ის, მესამე კი - კოლუმბიის გემთსაშენი კორპორაციის Cotecmar-ის ტერიტორიაზე. გავრცელებული ინფორმაციით, აფეთქებების შემდეგ გაჩნდა ხანძარი, რომელიც მალევე ჩააქრეს. ინციდენტის ადგილი ქალაქის სამრეწველო ზონაში, ტურისტული ღირშესანიშნაობებიდან 15 კმ-ში მდებარეობს.