როდესაც რუსეთი გიცნობს, იქ უკვე ბევრი ქვეყნის კარი გაქვს ღია - დათუნა მგელაძე
საქართველო, თბილისი - 16:07 | 20.04.2017 ნანახია: 3915ეკრანზე გამოჩენისთანავე დათუნა მგელაძემ მალე დაიპყრო თაყვანისმცემლების გული. მსმენელმა მალევე შეიყვარა. მისი სიმღერები ჰიტებად იქცა. მომღერალი ქართულ შოუბიზნესში არსებულ მდგომარეობას განიცდის, თუმცა ამ ყველაფერს არ უშინდება და შემოქმედებით მოღვაწეობას აქტიურად განაგრძობს. მოკლედ რომ ვთქვათ, ფარხმალს არ ყრის და ცდილობს, ბევრი სიახლე შესთავაზოს მსმენელს. მოსკოვშიც წავიდა, მაგრამ რამდენიმე წელიწადში სამშობლოში დაბრუნდა. ამბობს, რომ სათანადოდ არ იყო მომზადებული.
სად არის, რას აკეთებს და აპირებს თუ არა ისევ რუსეთში დაბრუნებას, დათუნა მგელაძე ამ საკითხებთან დაკავშირებით „პრაიმნიუსჯორჯიას“ესაუბრება:
მოსკოვში წავედი, რადგან კონტაქტი დამემყარებინა ბევრ ადამიანთან. ეს იყო ერთ-ერთი მიზეზი, რის გამოც რუსეთში გავემგზავრე.
რატომ ჩამოხვედით საქართველში?
ჩამოვედი, რადგან ჩამეწერა სიმღერები, გადამეღო კლიპი და მოვმზადებულიყავი. როდესაც მოსკოვში წავედი მზად არ ვიყავი, თუმცა არცერთი წუთით არ ვნანობ. ძალიან დიდი გამოცდილება მივიღე, იქ უზარმაზარი ბაზარია, სხვა მოთხოვნებია, ჩვენგან გასხვავებით სრულიად სხვა მუსიკას უსმენენ, და ამას ადაპტაცია სჭირდებოდა. ახლა უკვე ვიცი, რა გავაკეთო და როგორ უნდა მოვიქცე.
შენთვის მისაღებია რუსული ესტრადა?
საერთოდ, სადაც მიდიხარ იქაური ქუდი უნდა დაიხურო. თუ გინდა, რომ დიდ ბაზარზე გახვიდე და შენი სახელი და გვარი გაიგოს სრულიად რუსეთმა, საჭიროა იქ ყოფნა. როდესაც რუსეთი გიცნობს, იქ უკვე ძალიან ბევრი ქვეყნის კარი გაქვს ღია.
გინდათ თქვათ, რომ თუ რუსეთში ხარ პოპულარული, მსოფლიო ბაზარზე გასვლის შანსი გეძლევა?
დიახ, დიდი შანსია. ფულია დიდი და რეალიზაციას უკეთებ საკუთარ თავს.
3 წელი იყავით მოსკოვში. ამ ხნის განმავლობაში თქვენით არავინ დაინტერესებულა?
რა თქმა უნდა, იყო დაინტერესება. 3 პროდიუსერი მყავდა, ოღონდ კონცერტის პროდიუსერები იყვნენ, რომლებიც დგამდნენ კონცერტებს და სანაცვლოდ თავის ჰონორარს იღებდნენ. იქ ლამაზი თვალების გამო, არავინ ხდება შენი პირადი პროდიუსერი. უნდა შესთავაზო გარკვეული პროდუქცია, ყველაზე მიზერულს ვამბობ, რომლის გაკეთებაც იქ ძალიან ძვირი ჯდება. ამიტომ ტყუილად ჯდომას, ვამჯობინე აქ ჩამოსვლა. მინდა ჩავწერო რამდენიმე რუსულენოვანი სიმღერა, გადავიღო კლიპი და უკვე მომზადებული წავიდე. შენი ქართული სიმღერა იქ არავის სჭირდება.
მოსკოვში ძალიან ბევრი ქართველი მომღერალი წარმატებით მოღვაწეობს. მათი მხარდაჭერა თუ გიგრძვნიათ?
არავის დახმარება არ გაუწევია და პრინციპში არც მითხოვია. ჩემი მოთხოვნა იყო ის, რომ ყველაფერი ჩემით უნდა გამეკეთებინა.
ახლა რას აკეთებთ?
3 ახალი სიმღერა ჩავწერე, ვიდეოც გადავიღე და არ ვჩერდები. არავის ვუყურებ, აქტიურად ვმუშაობ.
ქართულ შოუბიზნესში არსებული მდგომარეობა თქვენზე არ მოქმედებს? თუნდაც ის, რომ ამ სფეროთი არავინ ინტერესდება. ამ ყველაფრის მიმართ პრეტენზია არ გიჩნდებათ?
ბევრ რამეზე მაქვს პრეტენზია და ამაზე რომ ვისაუბროთ დილამდე ვერ მოვრჩებით. ყურადღებას არ აქცევენ არც მსახიობებს, არც მომღერლებს. ცუდი სიტუაციაა ნამდვილად, მაგრამ მე როგორც მომღერალი არ ვჩერდები, ეს სიტუაცია არ მაფერხებს. ვმუშაობ საკუთარ თავზე, რეპერტუარზე და უფრო სხვა გათვლები მაქვს.
სარფიანი შემოთავაზების შემთხვევაში, დატოვებთ თუ არა საქართველოს სამუდამოდ და თუ გააგრძელებთ მოღვაწეობას მოსკოვში?
სამუდამოდ ჩემს ქვეყანას ვერ დავტოვებ, თუმცა არამგონია ვინმემ ისეთი კონტრაქტი დამიდოს, რომ ჩემს ქვეყანაში ჩამოსვლა ამიკრძალოს. თუ ვინმე მსგავს რამეს შემომთავაზებს, უარს და ერთ-ორ ლამაზ შესაქებ სიტყვასაც მიიღებს.
გიორგი საკარული, პრაიმნიუსჯორჯია
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა