მაგიდის სანათი აუქციონზე 2,8 მლნ დოლარად გაიყიდა

ნიუ-იორკში Christie’s-ის აუქციონზე ასი წლის წინ დამზადებული  მაგიდის სანათი გაიყიდა. მყიდველი, რომელმაც ანონიმად დარჩენა ისურვა, ლოტში 2,8 მლნ დოლარი გადაიხადა.

საუბარია Pink Lotus-ის მოდელზე, რომელიც 1906 წელს Tiffany Studios-მ ერთადერთ ეგზემპლარად შექმნა. ლამფა, რომელსაც ბრინჯაოს სადგამი აქვს, ვიტრაჟული ტექნიკით არის შესრულებული. მის დასამზადებლად გამოყენებულია 2000-მდე სხვადასხვა ფერის მინის ნატეხი.