საქართველოს პრეზიდენტმა NATO-ს კვირეული გახსნა
საქართველო, თბილისი - 10:38 | 26.10.2015 ნანახია: 1936საქართველოს პრეზიდენტი გიორგი მარგველაშვილი პირველ ლედისთან მაკა ჩიჩუასთან ერთად NATO-სა და ევროკავშირის შესახებ საინფორმაციო ცენტრის 10 წლის იუბილესადმი მიძღვნილ ცერემონიას დაესწრო. ქვეყნის პირველმა პირმა ღონისძიებაზე შეკრებილ საზოგადოებას სიტყვით მიმართა და ქართული შეიარაღებული ძალების მიერ საერთაშორისო სამშვიდობო მისიებში შეტანილ წვლილსა და NATO-ს საინფორმაციო ცენტრის საქმიანობის მნიშვნელობაზე ისაუბრა. „მიხარია, რომ დღეს ჩვენ თბილისში ვხსნით NATO-ს კვირეულს, უკვე ტრადიციულ ღონისძიებას, რომელიც სწორედ ასე მრავალფეროვნად, მრავალი დროშის თანდასწრებით, როგორც ზეიმი, ისე იხსნება.
ეს არის ზეიმი იმიტომ, რომ აქ ჩვენ ყველანი ერთად ვდგავართ, გაერთიანებული იმ საერთო ღირებულებით, იმ ერთიანი სწრაფვით, იმ საერთო მიზნებით, რომელთაც საქართველო მიჰყავს უფრო დაცული, ძლიერი და სტაბილური ქვეყნისკენ. ჩვენ ყველამ მნიშვნელოვანი ნაბიჯები გადავდგით ამ მიმართულებით. თქვენ იცით, რა შთამბეჭდავ წარმატებას აღწევს ქართული შეიარაღებული ძალები, საქართველოს თავდაცვის სისტემა თავის რეფორმებში და რამდენად დაფასებული არის ის ღვაწლი, რომელიც თითოეული აქ მდგომი ჯარისკაცის და მათი თანამებრძოლების შრომის, სისხლისა და ოფლის ფასად არის მოცემული საქართველოსთვის. მე ვყოფილვარ თქვენთან ერთად და მინახავს, რა პირობებში მუშაობთ თქვენ და რამდენად დიდი არის დაფასება თითოეული ქართველი ჯარისკაცის იმ მისიებში, სადაც გამორჩეულია ქართული სამხედრო კონტინგენტი თავისი ორგანიზებულობით, აზროვნების უნარით და დისციპლინით. კიდევ ერთხელ მსურს პატივი მივაგო თქვენი თანამებრძოლების ხსოვნას, რომლებიც იბრძოდნენ გლობალური მშვიდობისა და სტაბილურობისათვის, და რომლებმაც საქართველოს დროშა ასე მაღლა ასწიეს საერთაშორისო არენაზე. ერთ-ერთი ასეთი საერთაშორისო არენა იყო უელსის სამიტი, საიდანაც საქართველო დაბრუნდა გამარჯვებული თავისი შედეგებით, რომელთა ერთ-ერთი დემონსტრირება იყო ორი თვის წინ გახსნილი წვრთნისა და შეფასების ცენტრი. კიდევ ერთხელ მადლობას გიხდით ყველას, ვინც აქტიური მონაწილეობა მიიღო ამ მნიშვნელოვანი წინ გადადგმული ნაბიჯის განხორციელებაში; მსურს მადლობა ვუთხრა ჩვენს პარტნიორებს, რომლებიც ჩვენთან ერთად მუშაობენ იმ მიმართულებით, რომ საქართველოს მიერ დასახული მიზანი ეფექტურად განხორციელდეს; მადლობას ვუხდი NATO-ს საინფორმაციო ცენტრს და ვულოცავ 10 წლის იუბილეს, და იმედს გამოთქვამ, რომ მათი მუშაობა მომავალშიც იქნება ძალიან ეფექტური. ამ მუშაობის ეფექტურობა და ამ ღირებულების ირგვლივ კონსოლიდაცია დღეს განსაკუთრებით სჭირდება საქართველოს. დარწმუნებული ვარ, ქართული საზოგადოება განაგრძობს თავის ძალიან მწყობრ ნაბიჯს, დემოკრატიის და ევროპული ღირებულების, ასევე ევროატლანტიკური მიმართულებით", - განაცხადა გიორგი მარგველაშვილმა.
შეკრებილ საზოგადოებას საქართველოს პრეზიდენტის გარდა, მისასალმებელი სიტყვით საგარეო საქმეთა მინისტრმა გიორგი კვირიკაშვილმა, ევროპული და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ და საქართველოში NATO-ს სამეკავშირო ოფისის ხელმძღვანელმა უილიამ ლაჰიუმ მიმართეს.
NATO-ს კვირეული საქართველოში წელს მერვედ ტარდება. ღონისძიებას პრეზიდენტის ადმინისტრაციის წარმომადგენლები, ეროვნული უშიშროების საბჭოს მდივანი, მინისტრთა კაბინეტის წევრები, ქალაქის მერი და საკრებულოს დეპუტატები დაესწრნენ.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა