„მადლიერების დღე“ - „Marigold“-ის საჩუქარი ჟურნალისტებს!
საქართველო, თბილისი - 11:40 | 13.12.2016 ნანახია: 2741დღე, როდესაც ჟურნალისტი ქალი ან ჟურნალისტი მამაკაცი ივიწყებს თავის პროფესიას და ხდება პერსონაჟი, რომელიც მას სურს. დღე, რომელიც საშუალებას აძლევს ადამიანს - გალამაზდეს, გაიპრანჭოს, ითამაშოს, იპოზიოროს, განიტვირთოს და კიდევ უფრო დაიმეგობროს კოლეგები. დიახ, ლაპარაკია „მადლიერების დღეზე“, რომელსაც მოდის სახლი „მარი გოლდი“ უკვე მეხუთე წელია ტრადიციულად აღნიშნავს და ჟურნალისტებს წინასაახალწლო განწყობას უქმნის.
თავდაპირველად, იდეა გაუჩნდა თეა გუნთაიშვილს, რომელიც „მარი გოლდის“ დამფუძნებელთან - თამარ ნადირაძესთან ერთად 5 წლის წინ განახორციელა და მას შემდეგ ისინი წარმატებულად განაგრძობენ ამ საქმეს.
"დავამთავრე სამხატვრო აკადემია. მთელი ბავშვობა მინდოდა, თეატრისა და კინოს მხატვარი ვყოფილიყავი. 6 წელია, „მარი გოლდის“ პიარს ვხელმძღვანელობ და ყველა ჟურნალისტთან არაჩვეულებრივი ურთიერთობა მაქვს, ამიტომ მინდოდა, რომ მათ „მადლიერების დღე“ ჩვენთან ერთად აღენიშნათ. რომ არა თქვენ, ჟურნალისტები, იმას, რასაც ჩვენ ვაკეთებთ, საზოგადოების წინაშე ვერ გავიტანდით. რაც შეეხება საკარნავალო სამოსს, ამისათვის ყოველ წელს სხვადასხვა გმირების კოსტიუმებს ვამატებთ. კარნავალს ყოველთვის დეკემბერში ვმართავთ, რადგან გვინდა, პირველებმა შევუქმნათ ჟურნალისტებს წინასაახალწლო განწყობა და მივულოცოთ მათ დამდეგი ახალი წელი“, - განაცხადა „მარი გოლდის“ პიარმა თეა გუნთაიშვილმა.
„მადლიერების დღე“ ჟურნალისტებმა და „მარი გოლდის“ თანამშრომლებმა „კრეატივ ბარში“ აღვნიშნეთ. კარნავალში მონაწილეობას იღებდნენ ტელე-რადიო, პრესისა და ინტერნეტ-საინფორმაციო სააგენტოების წარმომადგენლები, ვისთვისაც სპეციალურად შეიქმნა კოსტიუმები.
„მოდის სახლ ,,მარი გოლდის" პროექტებში უკვე წლებია ვმონაწილეობ, ამიტომ ამ კოლექტივთან მეგობრობა და თანამშრომლობა ჩემთვის დიდი სიამოვნებაა. სპეციალურად ჟურნალისტებისათვის ორგანიზებული მედია-კარნავალები ყოველთვის განსაკუთრებული მხიარულებითა და ემოციით გამოირჩევა. წინასაახალწლოდ, ერთი დღით, ჩვენ ბავშვობის ზღაპრების საყვარელ პერსონაჟებად გარდავისახებით და ულამაზეს კოსტიუმებში გამოწყობილნი თბილისის ქუჩებში ფოტოსესიისათვის ვპოზირებთ. ამჯერად, ფიფქიას კოსტიუმში გამოვეწყე. მართალია, შვიდი ჯუჯა და უფლისწული არ მყავდა, მაგრამ ბოროტ ჯადოქარს, რომელსაც ,,მოწამლული ვაშლი" ჰქონდა და ჩემი ერთ-ერთი კოლეგა განასახიერებდა, მაინც გადავურჩი (იცინის). დიდი მადლობა ,,მარი გოლდს", სილამაზის სალონს ,,ჰავაიან დრიმ" და მის კოლექტივს, რომელმაც საჩუქრად 100 ლარიანი ვაუჩერი გადმომცა და ჩვენი საღამოს მასპინძელ „კრეატორ ბარს". მადლობა, თეა გუნთაიშვილსა და თამარ ნადირაძეს", - განაცხადა ჟურნალისტმა თამთა დადეშელმა.
კარნავალის მსვლელობა დაიწყო ახალ ტიფლისში, სადაც გაიმართა ფოტოსესია, რომელსაც უზრუნველყოფდა ფოტოგრაფი დავით ჩაკაბერია. სუსხიანი ამინდის მიუხედავად, ჟურნალისტებმა ვაჟკაცურად გაუძლეს სიცივეს და როგორც პროფესიონალი მოდელები, ისე პოზირებდნენ. ფოტოსესია „კრეატივ ბარში“ გაგრძელდა, რომელიც ალაფურშეტით, ტორტის გაჭრითა და სასმელით დაგვირგვინდა, ხოლო რაც ყველაზე მთავარია, სტუმრების განწყობაზე ბენდი „ლაბირინთი“ ზრუნავდა.
სპეციალურად მედია კარნავალისთვის, „ლოვ ტურმა“ ჩამოიყვანა სანტა კლაუსი, რომელმაც სამახსოვრო საჩუქრები გადასცა მედიის წარმომადგენლებს. 35 ჟურნალისტის იმიჯზე კი იზრუნა სალონმა „Hawaiian Dream”.
„მეხუთე წელიწადია, ვთანამშრომლობთ მედიასთან. ამ პროექტების ავტორია თეა. რაც შეეხება დღევანდელ საღამოს, ჩვენ შევეცადეთ, აქ მხიარული, წინასაახალწლო განწყობა შეგვექმნა. ყოველთვის ვამბობდი, რომ ეს არის „მარი გოლდისა“ და მისი ოჯახის სამადლობელი მასმედიის მიმართ, რადგან რომ არა ისინი და მათი გვერდში დგომა, ჩვენ ამ მოკლე პერიოდში მთელ საქართველოში, მის ყველა ოჯახში ვერ ვიქნებოდით შესულნი - ჟურნალისტებო, ეს თქვენი დამსახურებაა!
დღეს ვბრუნდებით ბავშვობაში, ყველაზე სუფთა და წმინდა პერიოდში, რაც კი გაგვაჩნია. ვცდილობთ, შევქმნათ ბედნიერი, წინასაახალწლო განწყობა და რაც ყველაზე მთავარია, დავამტკიცოთ, რომ ძალა ერთობაშია, მეგობრობაშია და მე მიხარია, რომ თუკი სხვა დროს სხვადასხვა ღონისძიებაზე მიდიხართ და არ გაქვთ დრო ერთმანეთთან საკონტაქტოდ, ყველნი ცალ-ცალკე ხართ, დღეს, გინდათ თუ არა, დილის 9 საათიდან გვიანობამდე ხართ ერთად, ერთად იღებთ სურათებს, ცვლით ინფორმაციას, მეგობრდებით, ურთიერთობა ნამდვილად შედგება. ჩვენ გადაგვარჩენს ერთად დგომა, მეგობრობა, სიყვარული, ურთიერთპატივისცემა. მგონი გასაყოფი არაფერი გვაქვს. მე ვამბობ, რომ თქვენ ძალიან დიდი ძალა ხართ, მე-4 ხელისუფლება კი არა, 1-ლი ხელისუფლება ხართ - მე ასე ვფიქრობ. დღევანდელი საღამო ადასტურებს ამ ერთიანობასა და ჩვენს მადლიერებას!
ხუთი წლის წინ მარტო ჩვენ ვიყავით, მხოლოდ „მარი გოლდი“ არსებობდა, დღეს კი უკვე გავიზარდეთ, ძალიან ბევრი კომპანია შემოგვიერთდა. მათაც სურთ, იყვნენ თქვენ გვერდით, რათა საჩუქრები გაჩუქონ და იმედი მაქვს, რომ მომავალში უფრო მეტნი ვიქნებით. ამბობენ, ადამიანის თვალები სულის სარკეაო. მინდა გითხრათ, რომ ეს საღამო ნამდვილად შედგა, რადგან ამაზე მეტყველებს თქვენი მომღიმარი სახეები და გაბრწყინებული თვალები!“, - განაცხადა „მარი გოლდის“ დამფუძნებელმა თამარ ნადირაძემ.
გიორგი საკარული, პრაიმნიუსჯორჯია
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა