კახა კახიშვილი ევროკავშირის ელჩს შეხვდა
საქართველო, თბილისი - 16:52 | 28.10.2016 ნანახია: 1145სასჯელაღსრულებისა და პრობაციის მინისტრი კახა კახიშვილი საქართველოში ევროკავშირის ელჩს იანოშ ჰერმანს შეხვდა.
შეხვედრაზე ევროკავშირისა და სასჯელაღსრულებისა და პრობაციის სამინისტროს თანამშრომლობის საკითხები, ერთობლივი პროექტები და სასჯელაღსრულების სფეროში განხორციელებული რეფორმები განიხილეს. ყურადღება გამახვილდა ახალ პროექტზე, რომელიც ევროკავშირის დაფინანსებით განხორციელდება და სასჯელაღსრულების სისტემის განვითარების მხარდაჭერას გულისხმობს.
კახა კახიშვილის განცხადებით, საქართველოს სასჯელაღსრულების სისტემის რეფორმირებისა და მოდერნიზაციის პროცესში ევროკავშირი უმნიშვნელოვანეს როლს ასრულებს. მინისტრმა ელჩს თანამშრომლობის, ასევე, ქვეყნის დემოკრატიზაციის, ევროინტეგრაციისა და ძლიერი სახელმწიფო ინსტიტუტების მშენებლობის პროცესში მხარდაჭერისთვის მადლობა გადაუხადა.
კახა კახიშვილის თქმით, საქართველოს სასჯელაღსრულებისა და პრობაციის სამინისტროს მთავარ ამოცანას რეფორმების შედეგად დამკვიდრებული დადებითი ტენდენციის შეუქცევადობის უზრუნველყოფა წარმოადგენს, რაშიც საერთაშორისო პარტნიორების მხარდაჭერა და ჩართულობა განსაკუთრებულია.
„საქართველოში ევროკავშირის ელჩთან და პროგრამების ხელმძღვანელთან ნაყოფიერი შეხვედრა გვქონდა. ვისაუბრეთ ახალი პროექტის შესახებ, რომელიც ევროკავშირის მიერ დაფინანსდა. პროექტის შედეგად, სასჯელაღსრულებისა და პრობაციის სამინისტრო ევროკავშირის ტექნიკური ჯგუფის დახმარებით, იმ რეფორმების გატარებას გააგრძელებს, რომელიც ევროპულ სტანდარტებამდე მიგვიყვანს. გარდა ამისა, შევაფასეთ უკვე განხორციელებული პროექტებიც, რომლებმაც მნიშვნელოვნად შეუწყო ხელი ქვეყნის დემოკრატიზაციის პროცესს“, - განაცხადა კახა კახიშვილმა.
იანოშ ჰერმანის თქმით, ევროკავშირსა და საქართველოს სასჯელაღსრულებისა და პრობაციის სამინისტროს განსაკუთრებული თანამშრომლობა აკავშირებთ. მისი განცხადებით, საქართველოს ევროპული არჩევანი მხოლოდ არჩევანი არ არის და პრაქტიკაში განხორციელებული კურსია.
„ევროპულ სტანდარტებზე გადასვლა საქართველოს არჩევანი და გადაწყვეტილებაა. ჩვენი მოვალეობაა ამ პროცესში ქვეყანას დახმარება აღმოვუჩინოთ. ევროკავშირი სასჯელაღსრულებისა და პრობაციის სამინისტროს 2 მლნ ევროზე მეტს გამოუყოფს, რომელიც სისტემის განვითარებას მოხმარდება. ამასთან, სასჯელაღსრულების უწყება იქნება ევროკავშირის მიერ საქართველოში საჯარო მმართველობის რეფორმის მხარდაჭერის მიზნით დაწყებული ახალი პროექტის ნაწილი“, - განაცხადა იანოშ ჰერმანმა.
შეხვედრაზე მხარეებმა რეაბილიტაცია-რესოციალიზაციაზე ორიენტირებული, საერთაშორისო სტანდარტების შესაბამისი პენიტენციისა და პრობაციის სისტემების ჩამოყალიბების მიზნით თანამშრომლობის მნიშვნელობას გაუსვეს ხაზი.
ევროკავშირის ახალი პროექტი სასჯელაღსრულებისა და პრობაციის სისტემის განვითარების მხარდაჭერას ითვალისწინებს. მისი მიზანია, ხელი შეუწყოს საქართველოს სასჯელაღსრულებისა და პრობაციის სამინისტროს რეფორმირების პროცესში, კონკრეტულად გათვალისწინებულია მხარდაჭერა სტრატეგიების დაგეგმვისა და კონსოლიდაციის, თანამშრომელთა კვალიფიკაციის ამაღალების, პენიტენციური დაწესებულებების ადმინისტრირების, პატიმართა საცხოვრებელი პირობების გაუმჯობესების მიმართულებით, ასევე, რესოციალიზაცია-რეაბილიტაციის სერვისების გაფართოების და პატიმრობის ალტერნატიული სასჯელების დანერგვის კუთხით.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა