ირაკლი ბუგიანის გამოფენა "ხედავდე სამყაროს ქვიშის მარცვალში" 6 ოქტომბერს გაიხსნება
საქართველო, თბილისი - 18:08 | 04.10.2016 ნანახია: 20146 ოქტომბერს, 19:00 საათზე, დ. შევარდნაძის სახელობის ეროვნულ გალერეაში გაიხსნება ირაკლი ბუგიანის გამოფენა „ხედავდე სამყაროს ქვიშის მარცვალში". პროექტი ხორციელდება Project ArtBeat-ის მიერ, თბილისის მერიის კულტურული ღონისძიებების ცენტრის მხარდაჭერით. გამოფენა 23 ოქტომბრამდე გასტანს და მისი კურატორია ლევან მინდიაშვილი.
ირაკლი ბუგიანის პირველი პერსონალური გამოფენა საქართველოში, რომელიც თბილისის ეროვნულ გალერეაში გაიმართება, თავს უყრის ხელოვანის საეტაპო ნამუშევრებს, რომლებიც მისი პრაქტიკის მნიშვნელოვან ასპექტებს წარმოაჩენენ. ხელოვანის ჩამოყალიბებაზე დიდი გავლენა იქონია მისმა წარსულმა - კერძოდ, კი "პერესტროიკისა" და საბჭოთა სისტემის ნგრევის შემდგომმა, რევოლუციებით სავსე, გარდამავალმა პერიოდმა. ის 2009-2012 წწ.-ში აღნიშნული მოვლენების გაანალიზებას იწყებს, რაც კარგად ჩანს ამ პერიოდში შექმნილ კოლაჟებში, რომლებიც სხვადასხვა საოჯახო ფოტო-არქივებიდან მოძიებულ მასალებზე დაყრდნობითაა შექმნილი.
2013-2014 წწ. ბუგიანისთვის საბჭოთა წარსული აქტუალურ თემად რჩება, თუმცა მისი ყურადღების ცენტრში ამჯერად საბჭოთა და პოსტ–საბჭოთა არქიტექტურა ექცევა. ის ქმნის სერიას, სახელწოდებით - „სოვიეტიკუმ", სადაც არქიტექტურა გააზრებულია, როგორც ადამიანებისა და მათი კულტურული გარემოს მაფორმირებელი ფაქტორი.
2014-2015 წწ. მხატვრის შემოქმედებაში კედლის მხატვრობის მიმართ ჩნდება ინტერესი. ბუგიანი თანაორგანიზატორია არტ პროექტის – 191°S (დუსელდორფი), რომლის ფარგლებშიც ის ორ მონუმენტურ, ერთმანეთისაგან სრულიად განსხვავებულ, კედლის ნამუშევარს ქმნის. ეროვნული გალერეის გამოფენის სახელწოდება შერჩეულია ინგლისელი პოეტის, უილიამ ბლეიკის ლექსის სტრიქონიდან - „To See a World in a Grain of Sand" („ხედავდე სამყაროს ქვიშის მარცვალში"). ეს მეტაფორა სამყაროს განზომილებების ერთიანობასა და მათ ფრაქტალურ - თვითმსგავს აგებულებაზე მიგვანიშნებს, რასაც მხატვარი უახლეს ნამუშევრებში განსაკუთრებული ინტენსიურობით ეხმიანება. ფერწერული ტილოები დამოუკიდებელ ობიექტებად გვევლინებიან, სადაც დიდი ყურადღება ექცევა ტილოს ზედაპირის ფაქტურასა და რამდენიმე თხელ ფენად დადებული ზეთის საღებავების გრადაციას. ირაკლი ბუგიანი რეპრეზენტაციული ელემენტების მქონე აბსტრაქტული ფერწერის მეშვეობით ცდილობს სამყაროს ამოუცნობი, მისტიური ასპექტების აქცენტირებას.
ირაკლი ბუგიანი (დაბ. 1980, ქ. თბილისი) ცხოვრობს ქ.დუსელდორფში (გერმანია). 1998-2001 წწ. სწავლობდა თბილისის სახელმწიფო სამხატვრო აკადემიაში, 2001-2006 წწ. -კარლსრუეს (გერმანია) სამხატვრო აკადემიაში. ამის შემდეგ მან სწავლა განაგრძო ქ. დუსელდორფის ჰაინრიხ ჰაინეს სახელობის უნივერსიტეტში, სადაც 2010 წელს ხელოვნების ისტორიის დარგში მაგისტრის ხარისხი მოიპოვა. მას მონაწილეობა აქვს მიღებული არაერთ ჯგუფურ და პერსონალურ გამოფენაში. მათ შორის: Weltkunstzimmer, Hans-Peter-Zimmer Foundation, დუსელდორფი (2015); RichMix, ლონდონი (2015); Salon Des Amateurs, დუსელდორფი (2014); Kunsthalle Recklinghausen, რექლინგჰაუზენი (2013); საქართველოს ეროვნული მუზუემი, თბილისი (2013); Glashaus, დუსელდორფი (2011); Atelier am Eck, დუსელდორფი (2009); Gallery Bourgeois Pig, ჰაიდელბერგი (2008); Gallery AZ, ზაგრები (2008). მის ჯილდოებს შორის აღსანიშნავია Kunsthalle Recklinghausen-ის ნომინაცია Kunstpreis Junger Westen (2013); ქ. დუსელდორფის კულტურის სამინისტროს სტიპენდია (2008); ფრაიბურგის უნივერსიტეტის გრანტი პორტრეტისათვის (2004).
Project ArtBeat დაარსდა 2014 წ. და მისი მიზანია თანამედროვე ქართული ხელოვნების საერთაშორისო სცენაზე დამკვიდრება და საქართველოს რეგიონებში კულტურული აქტივობების გაღვივება. მნიშვნელოვანი საერთაშორისო არტ ბაზრობების გარდა Project ArtBeat ორ სივრცეში მუშაობს, როგორც ონლაინ პლატფორმა და მოძრავი გალერეა - ე.წ. საზღვაო კონტეინერი - რომელიც წელიწადში რამდენჯერმე მოგზაურობს საქართველოს სხვადასხვა რეგიონში და ხელოვანთა სოლო, სპეციფიკურად ამ სივრცისთვის შექმნილ, პროექტებს ეთმობა. 2015 წელს Project ArtBeat იყო თბილისის ტრიენალეს, არტისტერიუმის და თბილისის მოდის კვირეულის პარტნიორი.
ლევან მინდიაშვილი მულტიმედია არტისტი და დამოუკიდებელი კურატორი, ცხოვრობს და მოღვაწეობს ნიუ იორკსა და თბილისში. თბილისის სახელმწიფო სამხატვრო აკადემიის დასრულების შემდეგ (2003 წ.) დაიცვა მაგისტრის ხარისხი ბუენოს აირესის ხელოვნების უნივერსიტეტში (2010 წ). 2008-2012 წწ. გალერეაში Laguanacazul (ბუენოს აირესი, არგენტინა) ახორციელებდა ახალგაზრდა უცხოელი და ადგილობრივი ხელოვანების ერთობლივ პროექტებს. მისი ბოლო პროექტია "მემკვიდრეობა", რომელიც განხორციელდა თბილისის შ. ამირანაშვილის სახელობის ხელოვნების ეროვნულ მუზეუმში (2013წ) და კულტურულ ცენტრში RichMix (ლონდონი, 2015).
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა