შსს-მ ნარკოდანაშაულისთვის აზერბაიჯანის მოქალაქე დააკავა

შსს-ს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ჩატარებული ოპერატიულ-სამძებრო ღონისძიებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, 1977 წელს დაბადებული აზერბაიჯანის რესპუბლიკის მოქალაქე რაფიქ ა. თბილისში დააკავეს.
სამართალდამცველებმა, დაკავებულისგან 10,6786 გრამი ჰეროინი, 0,05316 გრამი მორფინი და 0,09058 გრამი კოდეინი ამოიღეს.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ის 260-ე მუხლის მე-6 ნაწილის „ა“ ქვეპუნქტით).