ომარ ნიშნიანიძე: სიაში მე არ მოვიზარებ თაავს

ომარ ნიშნიაძე საპარლამენტო არჩევნებში მიიღებს მონაწილეობას. ის სამომავლოდ მაჟორიტარობას აპირებს.

„რა თქმა უნდა, ქართულ ოცნებასთან ვითანამშრომლებ ისევ. სხვაგან მე ჩემი თავი არც წარმომიდგენია. ვრჩები ქართული ოცნების გუნდში. მით უმეტეს, რომ ბიძინა ივანიშვილის ბოლოდროინდელმა აქტიურმა ჩართვამ, თუნდაც მასთან შეხვედრამ, თუნდაც ბატონი ბიძინას ჟურნალისტებთან შეხვედრამ, საბოლოოდ დამარწმუნა, რომ ქართულ ოცნებას თავისი პრინციპებისთვის, ფუნდამენტური ღირებულებებისათვის არასოდეს უღალატია და არც უღალატებს, ამიტომაც ვრჩები ამ გუნდში. არც მისურვებია, რომ სიაში ვყოფილიყავი. არც მინდა და პირდაპირ განვუცხადე ბატონ ბიძინა ივანიშვილს, რომ სიაში მე არ მოვიაზრებ ჩემს თავს, მაგრამ ერთ-ერთ ოლქში მაჟორიტარ დეპუტატად, რა თქმა უნდა, სურვილი მაქვს, ვიბრძოლო და გავიმარჯვო კიდეც იმიტომ, რომ რესურსი დიდი მაქვს, წარსული სუფთა მაქვს, გამოცდილება მაქვს, ცოდნა არ მაკლია და გუნდისადმი ერთგულება”, აღნიშნა „ქართული ოცნების“ დეპუტატმა ომარ ნიშნიანიძემ.