პარიზის ტერაქტებისას დაღუპული ამერიკის მოქალაქის ოჯახი Google-ს, Facebook-სა და Twitter-ს ”ისლამური სახელმწიფოს” მხარდაჭერაში ადანაშაულებს

2015 წლის ნოემბერში პარიზის ტერაქტებისას დაღუპული ამერიკელი ნოჰემი გონსალესის ოჯახმა Google-ს, Facebook-ისა და Twitter-ის წინააღმდეგ სარჩელი შეიტანა. გარდაცვლილის ოჯახი მათ ”ისლამური სახელმწიფოს” მხარდაჭერაში ადანაშაულებს.

NBC-ის ინფორმაციით, გონსალესის მშობლებმა სარჩელი კალიფორნიის საოლქო სასამართლოში შეიტანეს. მოსასრჩელეები ამტკიცებენ, რომ Google, Twitter-ი და Facebook-ი, რომლითაც ტერორისტები სარგებლოდნენ, ”ისლამური სახელმწიფოს” მატერიალურ მხარდაჭერას უწვედნენ, რომლის გარეშეც მათივე მტკიცებით, ”ისლამური სახელმწიფოს” სწრაფი გადაქცევა მნოფლიოში ყველაზე საშიშ ტერორისტულ ორგანიზაციად შეუძლებელი იქნებოდა.

როგორც NBC აღნიშნავს, Twitter-სა Facebook-ის წარმომადგენლებმა გონსალესის მშობლების პრეტენზიებს უსაფუძვლო უწოდეს, Google-ში კი კომენტარზე უარი განაცხადეს.

პარიზში ტერაქტების სერიას 130 ადამიანი ემსხვერპლა, 350 კი დაშავდა.