სებ-ი არ გამორიცხავს ონლაინ-სესხებზე რეგულირება, სექტორთან შეუთანხმებლად შემოიღოს

ონლაინ-სესხების ბაზარი ისე უნდა დავარეგულიროთ, რომ ბაზარიც არ „მოვკლათ“ და ამ ტიპის მსესხებლების ინტერესებიც იყოს გათვალისწინებული- აცხადებს ეროვნული ბანკის პრეზიდენტი.

საბანკო სექტორის წინააღმდეგობის მიუხედავად, მარეგულირებელი არ გამორიცხავს, სექტორთან შეუთანხმებლად, ონლაინ-სესხების რეგულირების ნორმების შემუშავებას.

კობა გვენეტაძე ამბობს, რომ სულაც არ არის საჭირო ბაზრის მონაწილეებთან ყველა პუნქტი იყოს შეთანხმებული. 

მისი თქმით, სებ-ი უკვე სწავლობს სხვადასხვა ქვეყნების პრაქტიკას, რომლის გათვალისწინებით, მაქსიმალურად საქართველოს რეალობაზე მორგებული წესების შემოღება მოხდება.

როგორც იცით,  პრობლემური მსესხებლების  გამრავლების და  ახალგაზრდების  ჩართულობის გამო, მაღალპროცენტიანი სესხების კომპანიების რეგულაციაზე ფიქრობენ.