ჯომარდობის სეზონი ოფიციალურად გაიხსნა

მედია ჯომარდის ტურნირი ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მხარდაჭერითა და საქართველოს ჯომარდობის ეროვნული ფედერაციის ორგანიზებით უკვე მეშვიდედ ტარდება.

ბორჯომის მუნიციპალიტეტში, სოფელ ჩითახევთან გამართულ შეჯიბრში 120-მა ჟურნალისტმა მიიღო მონაწილეობა. სხვადასხვა ტელეკომპანიების, ბეჭდური და ელექტრონული მედიის წარმომადგენლები  მდინარე მტკვარზე, 600-800 მეტრიან  მონაკვეთზე ერთმანეთს შეეჯიბრნენ. თითოეული ჯგუფი  6 კაცისგან შედგებოდა.  გამარჯვებულებს სხვადასხვა სახის პრიზები გადაეცათ.

ღონისძიების მიზანია შიდა ტურიზმის სტიმულირება და ჯომარდობის, როგორც   ტურისტული პროდუქტის პოპულარიზაცია.