იან კელი ფარული ვიდეოჩანაწერების საქმეზე: შევეცდებით დავეხმაროთ საქართველოს მთავრობას

აშშ-ის ელჩი საქართველოში იან კელი ადასტურებს, რომ საქართველოს მთავრობისგან მიღებულია დახმარების გაწევის თხოვნა, თუმცა, მისი თქმით, დეტალებზე საუბრის თავისუფლება არ აქვს.

რაც შეეხება კადრების გავრცელებას, ელჩის შეფასებით, ეს არის დესტრუქციული ქმედება, რომელიც დამაზიანებელია ადამიანებისათვის და ასევე საქართველოს დემოკრატიისთვის.

,,ვინც ამას აკეთებს მას კარგად აქვს ეს გააზრებული და ცდილობს, რომ პოლიტიკურ პროცესებზე მოახდინოს ზეგავლენა. ეს თემა ძალიან შემაშფოთებელია მთავრობისთვისაც. საქართველოს მთავრობიდან ჩვენ მივიღეთ დახმარების გაწევის თხოვნა. არ მაქვს თავისუფლება ვისაუბრო კონკრეტული დეტალების შესახებ, თუ რას გულისხმობდა ეს დახმარება, მაგრამ აღვნიშნავ, რომ ჩევნ ამ თხოვნას დადებითად ვუპასუხეთ და შევეცდებით დავეხმაროთ საქართველოს მთავრობას ამ პროცესში. საქართველოს დემოკრატიისთვის ძალზედ მნიშვნელოვანია ასეთი რამ არ იყოს განსაკუთრებით იმ პერიოდში, როდესაც საქართველოში შემოდგომაზე არჩევნებია დაგეგმილი", - ჩვენი კოლეგები ყოველდღიურ ურთიერთობაში არიან საქართველოს მთავრობის წარმომადგენლებთან, ვინაიდან არის იმის საფრთხე, რომ მოხდეს კიდევ ვიდეოების გავრცელება. ჩვენ შევთავაზეთ ჩვენი თანამშრომლობა, ჩვენი დახმარება და მზად ვართ, რომ აღმოვუჩინოთ ეს დახმარება", - განაცხადა იან კელიმ.