ზემფირამ ლიტვაში გამართულ კონცერტზე მაყურებლებს უკრაინის დროშის გატანა სთხოვა

რუსმა მომღერალმა ზემფირმ ლიტვის დედაქალაქში გამართული კონცერტის დროს მაყურებლებს დარბაზიდან უკრაინის დროშის გატანა სთხოვა. ამის შესახებ ლიტვური მედია წერს.

”გთხოვთ, გთხოვთ, (გაიტანოთ დროშები)” - მიმართა მომღერალმა სცენიდან თაყვანისმცემლებს, რომლებიც უკრაინის დროშებს აფრიალებდნენ.

”ადამიანებო დროშებით, თქვენ მე არ გიყვარვართ, თქვენ გიყვართ თქვენი იდეა და მეც მაიძულებთ, გთხოვთ, არ გინდათ”, - განაცხადა ზემფირამ.

გასული წლის ივლისში თბილისში გამართულ კონცერტზე ზემფირამ სცენაზე უკრაინის დროშა ააფრიალა, რასაც რუსული საზოგადოების მძაფრი კრიტიკა მოჰყვა.