ჯგუფურად კომერციული მოსყიდვის ფაქტზე სენაკის მოსწავლე- ახალგაზრდობის ცენტრის დირექტორი და მისი მოადგილე დააკავეს

სახელმწიფო უსაფრთხოების სამსახურის ანტიკორუფციულმა სააგენტომ  ჯგუფურად კომერციული მოსყიდვის ფაქტზე  სენაკის მოსწავლე- ახალგაზრდობის ცენტრის დირექტორი და მისი მოადგილე დააკავა. 

გამოძიებამ დაადგინა, რომ დაკავებულებმა ბიზნესის დაწყებით დაინტერესებულ საქართველოს მოქალაქეს შესთავაზეს სენაკში  მდებარე ზემოხსენებული აიპ-ის ბალანსზე რიცხული 350 კვ.მეტრის ფართის  შენობის  5 -წლიანი იჯარით გადაცემა. 

ურთიერთშეთანხმების შემდეგ მათ მოქალაქეს ხელშეკრულება ოფიციალურად გაუფორმეს მხოლოდ 170 კვ.მეტრი  ფართის შესაბამისი საიჯარო თანხის გადახდის პირობით, ხოლო დანარჩენი ფართით ხუთწლიანი ვადით სარგებლობისა და მფარველობის გაწევის  სანაცვლოდ მოსთხოვეს 30 000 ლარი. 

დაკავებულებმა ამავე მოქალაქეს გამოართვეს მათ მიერ მოთხოვნილი თანხის ნაწილი 15 000 ლარი, რა დროსაც ისინი დააკავეს.