„იფქლი“ საქართველოში პურის ხაშზე წარმოებას აბრუნებს

კომანია „იფქლი“ სულ მალე, საქართველოში პურის ხაშზე წარმოებას დააბრუნებს. კომპანიის მენეჯმენტის ინფორმაციით, "იფქლი" იქნება პირველი კომპანია, რომელიც ცხობის ამ მეთოდს მასობრივ წარმოებაში გამოიყენებს

„იფქლის“ ინფორმაციით, საქართველოში პურის ცომს ოდითგანვე ხაშზე, ანუ სპეციალურად დამჟავებულ ცომზე ამზადებდნენ. პურის ცხობის ეს მეთოდი გავრცელებული იყო მთელ ქვეყანაში, სანამ ის 90-იან წლებში მასობრივი წარმოებისათვის პურის მომზადების უფრო დაჩქარებულმა, თუმცა ნაკლებად ჯანსაღმა ტექნოლოგიამ არ ჩაანაცვლა.

„ახლო მომავალში „იფქლი“ საქართველოს პურის წარმოების მასობრივ ინდუსტრიაში ამ სრულყოფილ პროცესს დააბრუნებს და მოსახლეობას საშუალება მიეცემა ნამდვილი პურის გემოთი და ხარისხით დატკბეს”, აცხადებენ იფქლში.

თუ პურის ცხობის პროცესი მინიმუმ 6 საათს უნდა შეადგენდეს, დღეს მისი წარმოება საქართველოში 2 საათში ხორციელდება. ამ პირობებში გასაკვირი არაა, რომ პურს ის გემო და ხარისხი არ აქვს, რაც ადრე ჰქონდა.

„ამ პრობლემების გადასაჭრელად "იფქლმა" კომპანიაში დაასაქმა ერთ-ერთი საუკეთესო პურის წარმოების სპეციალისტი და შეიძინა ძვირადღირებული საჭირო დანადგარები ევროპაში. ახლო მომავალში „იფქლი“ საქართველოს პურის წარმოების მასობრივ ინდუსტრიაში ამ სრულყოფილ პროცესს დააბრუნებს და მოსახლეობას საშუალება მიეცემა ნამდვილი პურის გემოთი და ხარისხით დატკბეს.
იმავდროულად, ტექნიკურად, პურის ხაშზე დამზადება უფრო მეტ დროსა და ენერგიას მოითხოვს, ვიდრე უხაშოდ ან დაჩქარებული მეთოდით დამზადებული პური, რომელიც საშუალოდ 2-4 საათში მზადდება. ხაშზე დამზადებული პურის ცხობის ციკლი საშუალოდ 6 საათს შეადგენს და ბევრად მეტ ადამიანურ და ფიზიკურ რესურსს მოითხოვს.