ასობით მოხალისე გარემოსთვის - ბაკურიანის დალაგების ფესტივალი „სადაგისა“ და „თეგეტა ჰოლდინგის“ მხარდაჭერით გაიმართა
საქართველო, თბილისი - 15:34 | 19.06.2024 ნანახია: 3181
საქველმოქმედო ორგანიზაცია „სადაგის“ ორგანიზებით 15-16 ივნისს ბაკურიანის დალაგების ფესტივალი მოეწყო. ღონისძიებაში ქვეყნის სხვადასხვა რეგიონიდან ასობით მოხალისე ჩაერთო. ეკოფესტს ოქროს სპონსორის სტატუსით წელს უკვე მეორედ შეუერთდნენ „თეგეტა ჰოლდინგი“ და „თეგეტა გრინ პლანეტი“. სპონსორობის პარალელურად, ეკოფესტში მოხალისეებად ჰოლდინგის 30-მდე თანამშრომელიც მონაწილეობდა.
მოხალისეებმა ორი დღის განმავლობაში დაასუფთავეს დაბა ბაკურიანი და მისი მიმდებარე ტერიტორიები. ფესტივალის მონაწილეთა შორის იყვნენ საერთაშორისო ორგანიზაციების, საელჩოების, კომპანიების თანამშრომლები, მოქალაქეები და უცხოელი სტუმრები.
თათია ხორბალაძე, „თეგეტა ჰოლდინგის“ სტრატეგიული კომუნიკაციების ხელმძღვანელი: „გარემოს დასუფთავების მიმართულებით „სადაგის“ ინიციატივა ერთ-ერთი ყველაზე მასშტაბურია. მოხალისეები, გარემოსდაცვითი და სოციალური პასუხისმგებლობის მქონე კომპანიები ვერთიანდებით ერთი მიზნის გარშემო - დავალაგოთ და ვიზრუნოთ გარემოზე. რა თქმა უნდა, „თეგეტა“ მათ გვერდითაა, ვინც გარემოს დაცვის მნიშვნელობას ჩვენთან ერთად იზიარებს.
„თეგეტა“ უკვე მეორე წელია, მონაწილეობს ეკოფესტში, თუმცა ეს წელი განსაკუთრებულია - ამჯერად კომპანიის თანამშრომლებსაც მივეცით შესაძლებლობა, ჩართულიყვნენ ღონისძიებაში და საკუთარი წვლილი შეეტანათ გარემოს დასუფთავების საქმეში. გვჯერა, რომ ინდივიდუალურად მსგავს აქტივობებში თანამონაწილეობას თავისი წვლილი შეაქვს იმ კუთხით, რომ გარემოზე ზრუნვა ჩვენს ყოველდღიურ ეკოჩვევად ვაქციოთ“.
ისევე, როგორც გასულ წელს, დასუფთავების ფესტივალში ამჯერადაც ჩაერთო „თეგეტა გრინ პლანეტი“. ჰოლდინგის შვილობილი კომპანია სწორედ გარემოზე ზრუნვის ეგიდით 2022 წელს შეიქმნა და მას შემდეგ საზოგადოების ცნობიერების ამაღლება ერთ-ერთ უმთავრეს პრიორიტეტად აქცია.
„თეგეტა გრინ პლანეტში“ აცხადებენ, რომ სხვადასხვა სექტორის ჩართულობა გარემოზე მავნე ზემოქმედების შემცირებასა და ჯანსაღი ეკოსისტემის ჩამოყალიბებას შეუწყობს ხელს.
შალვა ახვლედიანი, „თეგეტა გრინ პლანეტის“ დირექტორი: „სიამოვნებით დავუჭირეთ მხარი „სადაგის“ ინიციატივას — ტურისტული თვალსაზრისით საქართველოს ერთ-ერთი ყველაზე მნიშვნელოვანი კურორტის, ბაკურიანის, დალაგებას.
„თეგეტა გრინ პლანეტისთვის“ უმნიშვნელოვანესი საკითხია ნარჩენების ეფექტიანი მართვა. განსაკუთრებულ მნიშვნელობას ვანიჭებთ ამ მიმართულებით ცნობიერების ამაღლებას. როცა მსგავს აქტივობაში მოქალაქეებიც მონაწილეობენ, გარემოზე ზრუნვის იდეა პრაქტიკულ გამოხატულებას პოულობს. ამიტომაა მნიშვნელოვანი თითოეული ჩვენგანის ჩართულობა და მსგავსი ინიციატივების მხარდაჭერა“.
ფესტივალში მონაწილეობა ნებისმიერ მსურველს შეეძლო. მოხალისეების თბილისიდან ბაკურიანამდე ტრანსპორტირება „სადაგმა“ უზრუნველყო. საქველმოქმედო ორგანიზაცია სამი წელია არსებობს და თვეში რამდენჯერმე ალაგებს სხვადასხვა ტერიტორიას. ორგანიზაციის ინიციატივით, ბაკურიანის დასუფთავების ფესტივალი პირველად შარშან გაიმართა.
მაია მესტუმრე, „სადაგის“ მარკეტინგისა და კომუნიკაციების ხელმძღვანელი: „წლევანდელი ფესტივალი დაბა ბაკურიანისა და მის მიმდებარედ ტყეების, მინდვრებისა და გზისპირების დასუფთავებას მოიცავდა. როცა ეკოფესტის ორგანიზების იდეა გაჩნდა, ჩვენი მიზანი იყო, ადგილობრივებისა თუ დამსვენებლებისთვის გვეჩვენებინა, რომ არიან ადამიანები, რომლებიც საგანგებოდ ჩადიან ბაკურიანში და მზად არიან, სხვისი დაყრილი ნარჩენი აიღონ. ამ მაგალითით სხვებსაც გაუჩნდათ სურვილი, პროცესს შემოერთებოდნენ.
შარშან ასობით მოხალისე ჩაერთო ფესტივალში და აქტივობა წელსაც ძალიან მაღალი იყო. გვიხარია, რომ არაერთ კომპანიას აქვს მაღალი კორპორაციული პასუხისმგებლობა და ისინი მზად არიან, ჩვენთან ერთად თუ ჩვენ გარეშე დაალაგონ და მოუარონ ამ ქვეყანას.
მჯერა, რომ თანდათან სულ უფრო და უფრო მეტი ადამიანი იზრუნებს ქვეყნის დალაგებაზეც და სისუფთავის შენარჩუნებაზეც. ჩვენი მიზანიც ესაა: ადამიანებმა მეტად დაიწყონ ფიქრი ეკოლოგიაზე და გააცნობიერონ, რომ დაგდებული ერთი ნაყინის ქაღალდი თუ პლასტიკის ბოთლი პირდაპირ აისახება ჩვენს ჯანმრთელობაზე“.
ეკოფესტში 400-მდე მოხალისე მონაწილეობდა. შეგროვდა 86,500 ლიტრზე მეტი ნარჩენი. წელსაც, ისევე როგორც შარშან, ორდღიანი ფესტივალი, დალაგებასთან ერთად, სახალისო შემეცნებით და გასართობ ღონისძიებებსაც მოიცავდა, მათ შორის, სემინარს გარემოს დაცვის საკითხებზე, ცოცხალ კონცერტს, ბარბექიუს და სხვა.
ფესტივალის მიზანი წელსაც უცვლელია: მოქალაქეებს შეახსენოს არდანაგვიანების მნიშვნელობა და ჩამოუყალიბოს გარემოს დაცვისა და დასუფთავების ჩვევა; დაეხმაროს მათ გარემოზე ზრუნვის პროცესში თითოეული ჩვენგანის როლის გაცნობიერებაში.
--
თეგეტა ჰოლდინგის შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით თეგეტას 28 სერვისცენტრი აქვს, ხოლო საერთაშორისო ვაჭრობას ჰოლდინგი ოთხ კონტინენტზე ახორციელებს. თეგეტა ექსკლუზიურად წარმოადგენს ცნობილ ბრენდებს Porsche, Volvo, Toyota, Mazda. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, Liebherr, BOMAG და სხვები. თეგეტა მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. თეგეტა ჰოლდინგი, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.
პოლიტიკა
- ან „დიფ სთეითი“ გაანადგურებს ევროკავშირს, ან ევროკავშირი გამონახავს ძალას, რომ როგორმე თავი დააღწიოს „დიფ სთეითის“ გავლენას - „ქართული ოცნების“ პოლიტსაბჭო
- პუტინმა და ტრამპმა გადაწყვიტეს მსოფლიოს გავლენის სფეროებად დაყოფა, დაიწყეს უკრაინით - CNN
- დაუწესდეს სანქციები ბიძინა ივანიშვილის გარემოცვის წევრებს - ევროპარლამენტმა საქართველოს შესახებ რეზოლუცია დაამტკიცა
- უნდა შევქმნათ დოკუმენტი, რომელშიც 40-50 წლის შემდეგ ჩაიხედავენ და ეცოდინებათ, ვინ და როგორ მართავდა ქვეყანას 2003-2012 წლებში - წულუკიანი
საზოგადოება
- „თეგეტა“ Bridgestone-თან პარტნიორობას აფართოებს - კომპანია რეგიონში მსოფლიო ბრენდის ოფიციალური დისტრიბუტორი გახდა
- „თეგეტა ჰოლდინგი“ AmCham-ისა და MAC Georgia-ს სასტიპენდიო პროგრამას შეუერთდა
- "თეგეტა მოტორსში" ზამთრის საბურავებზე 30%-იანი ფასდაკლება და გასამმაგებული ქეშბექი მოქმედებს
- ლევან იოსელიანის სახლთან პოსტერები გააკრეს და დატოვეს წარწერები „რუსის მონა“, „რეჟიმის მცველი“
მსოფლიო
- მოლდოვამ კიშინიოვში რუსული კულტურის ცენტრი დახურა
- დონალდ ტრამპის განცხადებით, გააგრძელებს უკრაინის დახმარებას, რათა პუტინმა არ იფიქროს, რომ მან გაიმარჯვა
- მაკრონი ტრამპს მოუწოდებს, ევროპის მიმართ ტარიფების დაწესების მუქარის ნაცვლად, უკრაინაში ომის დასრულებაზე იფიქროს
- პენტაგონი განიხილავს ყველა შესაძლებლობას ღაზასთან დაკავშირებით, მზად ვართ, გავაგრძელოთ ისრაელისთვის იარაღის მიწოდება - პიტ ჰეგსეთი
კონფლიქტები
- ოკუპირებულ აფხაზეთში ე.წ. პარლამენტიდან რუსეთთან „საინვესტიციო ხელშეკრულების“ ე.წ. კანონპროექტის გატანისთვის ემზადებიან
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
ბიზნესი
- საბურავები, ზეთები, აკუმულატორები და ავტონაწილები - თებერვლის შეთავაზებები „თეგეტა მოტორსისგან“
- "Zeekr საქართველომ" ქართულ ბაზარს ახალი მოდელი - Zeekr 009 წარუდგინა
- Geely Coolray-ს გლობალური გაყიდვების რაოდენობამ მილიონს გადააჭარბა
- რეგიონული ჰაბი - „თეგეტას“ ახალი მასშტაბური სერვისცენტრი გეზის ტერიტორიაზე
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- საქართველოს ნაკრები ერთა ლიგის პლეი ოფში სომხეთს შეხვდება
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება
- თუშიშვილი ვერც გუნდურ შეჯიბრებაში მიიღებს მონაწილეობას, ქართველ ძიუდოისტს ეკრძალება სხვა ტურნირებზე გამოსვლაც, ვიდრე კომისია საბოლოო გადაწყვეტილებას მიიღებს