შესაძლებლობა ცოდნის მაძიებლებისათვის - „თეგეტა აკადემიაში“ 50-ამდე ახალგაზრდამ ავტომობილის აგებულების კურსზე სწავლა დაიწყო
საქართველო, თბილისი - 18:17 | 30.05.2023 ნანახია: 352„თეგეტა ჰოლდინგმა“, შვილობილ კომპანია „თეგეტა აკადემიასთან“ ერთად, სამსახურის მაძიებლებს პროფესიული განვითარების შესაძლებლობა და დასაქმება განსხვავებული, კიდევ უფრო მოქნილი ფორმატით შესთავაზა. წელს პროგრამისთვის „დაიწყე კარიერა თეგეტაში“ რეკორდული რაოდენობის - 50 კანდიდატი შეირჩა. ავტომობილის აგებულების კურსი როგორც სრულ, ისე ნახევარ განაკვეთზე, პარალელურად, სამი ახალი ჯგუფისთვის დაიწყო.
ავტოინდუსტრიით დაინტერესებული კანდიდატები სწავლების პერიოდში ავტომობილის აგებულების შესახებ საბაზისო ცოდნას მიიღებენ და თეგეტას პროდუქტებსა და შიდა პროგრამებს შეისწავლიან.
თათა კანდელაკი, „თეგეტა აკადემიის“ სტუდენტი: „პირველი კურსის სტუდენტი ვარ და ჩემთვის დიდი კომფორტია ნახევარ განაკვეთზე სწავლის შესაძლებლობა. ამით შემიძლია არც უნივერსიტეტს მოვაკლო დრო და რესურსი და არც აკადემიას. მანქანებით მას შემდეგ დავინტერესდი, რაც მართვის მოწმობა ავიღე და ავტომობილი შევიძინე, მინდოდა მცოდნოდა ყველაფერი, რაც ჩემს მანქანას დასჭირდებოდა და ვხვდები, რომ ძალიან სწორ ადგილას მოვხვდი. აქ ყოველდღე რაღაც ახალს ვსწავლობ და ვგრძნობ, რომ დიდ გამოცდილებას ვიღებ“.
კურსის დასრულებისას წარმატებულ კურსდამთავრებულებს სერტიფიკატები და სტიპენდიები გადაეცემათ, შემდეგ კი თეგეტას სხვადასხვა ფილიალში სერვისის ან გაყიდვების მიმართულებით დასაქმდებიან.
აკაკი არჩვაძე, „თეგეტა აკადემიის“ სტუდენტი: „სამედიცინო უნივერსიტეტი ორი წლის წინ დავამთავრე და ახლა გადავწყვიტე, რომ ახალი პროფესიის სწავლა ნულიდან დავიწყო. ბავშვობიდან ძალიან მაინტერესებს მანქანები და ყოველთვის მინდოდა, ჩემი საქმე საავტომობილო სფეროსთან ყოფილიყო დაკავშირებული. მიხარია, რომ მოვახერხე და ამ კურსზე მოვხვდი. ჩემს ჯგუფში სწავლა სრული განაკვეთით მიმდინარეობს, პროცესი ძალიან ინტენსიურია და უამრავ ახალ ინფორმაციას ვიღებ. მართალია, ჯერჯერობით კურსი არ დასრულებულა, მაგრამ იმედი მაქვს, წარმატებულ კურსდამთავრებულებს შორის ვიქნები და გაყიდვების მიმართულებით დასაქმებასაც შევძლებ“.
მიმდინარე პერიოდში სწავლის პროცესში გამოყენებულია სიმულაციური ონლაინ სასწავლო პლატფორმა ELECTUDE, რომელიც საქართველოში გასულ წელს „თეგეტა აკადემიამ“ USAID-ის მხარდაჭერით დანერგა. პლატფორმა აერთიანებს 3 000-ზე მეტ მოდულს მსუბუქი და სატვირთო ავტომობილის მიმართულებით. პლატფორმაზე შესაძლებელია გეიმიფიკაციით, მაღალი დონის ინტერაქციითა და სიმულაციებით ისწავლო ავტომობილის აგებულება და მუშაობის პრინციპები. ELECTUDE-ის საშუალებით შესაძლებელია სასწავლო მოდულების ინდივიდუალურ საჭიროებებზე მორგება მონაწილის პროფილის, გამოცდილებისა და სასწავლო მიზნების შესაბამისად.
ოთარ სიხარულიძე, „თეგეტა აკადემიის“ დირექტორი: „სულ უფრო მეტი სტუდენტი ინტერესდებოდა ჩვენი პროგრამით, ამიტომ გადავწყვიტეთ, ნახევარი განაკვეთის ფორმატი დაგვემატებინა და კანდიდატებისთვის არჩევანის გაკეთების საშუალება მიგვეცა. საბოლოოდ,„თეგეტა აკადემიაში“ წელს პირველად სამი პარალელური ჯგუფის ტრენინგი დაიწყო, სადაც სფეროს შესწავლით დაინტერესებული 50 ახალგაზრდა განაწილდა. მონაწილეები ახალი ცოდნის მიღების პროცესში ინოვაციურ ონლაინ სასწავლო პლატფორმა ELECTUDE-ს იყენებენ, რაც გაყიდვებისა და სერვისის ჯგუფს კვალიფიკაციის ამაღლების საშუალებას აძლევს და რაც მთავარია, ეს ხდება ბევრად უფრო ეფექტიანად და მოკლე ვადაში. „თეგეტა აკადემიის“ კურსი ერთგვარი გამოწვევაა მათთვის, ვისაც ავტოინდუსტრიაში საკუთარი შესაძლებლობების გამოცდა სურს“.
„დაიწყე კარიერა თეგეტაში“ - პროექტის ფარგლებში „თეგეტა ჰოლდინგში“, ჯამში, აკადემიის 400-ამდე წარმატებული კურსდამთავრებულია დასაქმებული.
--
„თეგეტა ჰოლდინგის“ შვილობილი კომპანია „თეგეტა აკადემია“ არის ავტორიზებული კოლეჯი და მულტიფუნქციური ტრენინგცენტრი, რომელიც 2013 წლიდან აქტიურად ეწევა საგანმანათლებლო და საკონსულტაციო საქმიანობას ტექნიკური და ბიზნესის მიმართულებებით.
„თეგეტა აკადემიის“ მიზანი პროფესიული განათლების ხელშეწყობა და კონკურენტუნარიანი, საავტომობილო ინდუსტრიისთვის მაღალკვალიფიციური სპეციალისტების მომზადებაა. ამასთან ერთად, „თეგეტა აკადემია“ კომპანიებს ეხმარება, გააუმჯობესონ სერვისები, ხელი შეუწყონ თანამშრომლების პროფესიულ განვითარებას, წვლილი შეიტანონ სამუშაო ძალის განვითარებაში და გაუზიარონ ახალი ცოდნა და საუკეთესო საერთაშორისო პრაქტიკა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა