ამერიკის დაზვერვაში ამბობენ, რომ რუსეთის დიქტატორი ვლადიმირ პუტინი უკრაინაში ხანგრძლივი ომისთვის ემზადება.

ამის შესახებ აშშ-ის ეროვნული დაზვერვის დირექტორმა ავრილ ჰეინსმა კონგრესის მორიგი ანგარიშის წარდგენისას განაცხადა. იუწყება CNN

ჰეინსის თქმით, უკრაინაში ომი დამღლელი გახდა და არცერთ მხარეს საბოლოო უპირატესობა არ აქვს. მისივე თქმით, პუტინს სავარაუდოდ, ომის წლობით გაგრძელება სურს.

 „ჩვენი პროგნოზით, მიმდინარე წელს რუსი სამხედროები ძალებს ვერ აღიდგენენ იმდენად, რომ მნიშვნელოვანი ტერიტორიული უპირატესობა მოიპოვონ. მაგრამ პუტინი სავარაუდოდ, იმედოვნებს, რომ დრო მის სასარგებლოდ იმუშავებს და ომის გაგრძელება, მათ შორის შესაძლო პაუზებით, შესაძლოა, გახდეს საუკეთესო გზა უკრაინაში რუსეთის საბოლოო სტრატეგიული უზრუნველყოფისთვის, მაშინაც კი თუ ამას წლები დასჭირდება“, - განაცხადა ჰეინსმა.

მან ასევე აღნიშნა, რომ რუსეთი, სავარაუდოდ, ვერ შეძლებს უკრაინაში მცირე შეტევითი ოპერაციების დონის შენარჩუნებას, რომელიც ამჟამად აქვს, დამატებითი სავალდებულო მობილიზაციისა და საბრძოლო მასალების მომარაგების წყაროების გარეშე.