ვაქვეყნებთ ვიდეოკადრებს, რომელშიც ჩანს, რომ გარკვეული მედიასაშუალებების მიერ სააკაშვილის ჯანმრთელობის მდგომარეობაზე გავრცელებული ამბები არ შეესაბამება სინამდვილეს - პენიტენციური სამსახური

სპეციალური პენიტენციური სამსახური „კლინიკა ვივამედიდან“ ექსპრეზიდენტის, მიხეილ სააკაშვილის შესახებ ვიდეოკადრებს აქვეყნებს.

„გარკვეული მედიასაშუალებების მიერ საზოგადოების შეცდომაში შესაყვანად და მსჯავრდებულ მიხეილ სააკაშვილის ჯანმრთელობის მდგომარეობის შესახებ არასწორი აღქმების ჩამოსაყალიბებლად ვრცელდება ვიდეოკადრები, რომელთა მიხედვითაც მსჯავრდებულს  არ შეუძლია დამოუკიდებლად  ელემენტარული ფიზიკური მოქმედებების შესრულება და დახმარების გარეშე გადაადგილება“.

ცრუ საინფორმაციო კამპანიის შესაძლო მიზანია სახელმწიფოს მხრიდან თითქოსდა არასათანადო რეაგირების წარმოჩენის გზით საზოგადოებრივი მღელვარების გამოწვევა  და ქვეყნის დადებითი იმიჯის შელახვა.

საზოგადოების ობიექტური ინფორმირების მიზნით ვაქვეყნებთ რამდენიმე ვიდეოკადრს, სადაც ნათლად ჩანს, რომ გავრცელებული ამბები არ შეესაბამება სინამდვილეს.

კიდევ ერთხელ მოვუწოდებთ ყველას, თავი შეიკავონ შეცდომაში შემყვანი, არასრული და ფრაგმენტული  ინფორმაციით  სპეკულირებისაგან“, - ნათქვამია პენიტენციური სამსახურის ინფორმაციაში.