გერმანიამ უკრაინისთვის ტანკების გაგზავნის გადაწყვეტილება მიიღო - Spiegel

საქართველო, თბილისი - 23:18 | 24.01.2023
ნანახია: 98

Spiegel-ის ინფორმაციით, გერმანიის კანცლერმა, ოლაფ შოლცმა უკრაინაში Leopard 2-ის ტიპის ტანკების გაგზავნა გადაწყვიტა. ამასთანავე, გერმანია, როგორც მწარმოებელი ქვეყანა, სხვა ქვეყნებსაც მისცემს საშუალებას ტანკები უკრაინას მიაწოდონ. როგორც გამოცემა წერს, ბერლინი ასევე მისცემს უფლებას სხვა მოკავშირეებს, მათ შორის, პოლონეთს, გერმანული ტანკები კიევს გადასცენ.

„გადაწყვეტილება მიღებულია: გერმანია უკრაინას Leopard 2-ის ტიპის მთავარ საბრძოლო ტანკებს მიაწვდის“, - ნათქვამია განცხადებაში.

გამოცემის ცნობით, საუბარია Leopard 2A6-ის ტიპის ტანკებზე.

Spigel-ის ინფორმაციით, სხვა მოკავშირეები, მათ შორის სკანდინავიის ქვეყნები, გეგმავენ გერმანიას შეუერთდნენ და ტანკები უკრაინას მიაწოდონ.




არქივი

მოგვძებნე Facebook-ზე