2023 წლის 4 იანვარს მიხეილ სააკაშვილის მხარდასაჭერად გლობალური აქცია გაიმართება - მარკ ფეიგინი

2023 წლის 4 იანვარს, გლობალური აქცია მიხეილ სააკაშვილის მხარდასაჭერად #SaveMisha, – ამის შესახებ რუსი უფლებადამცველი მარკ ფეიგინი „ტვიტერში“ წერს და მოქალაქეებს მოუწოდებს მივიდნენ თავიანთ ქვეყნებში მდებარე საქართველოს საელჩოებთან.

„მოვუწოდებთ ყველას, წავიდნენ თავიანთი ქვეყნების დედაქალაქებში მდებარე საქართველოს საელჩოებთან. ადგილობრივი დროით 12:00 საათიდან“, – წერს ფეიგინი.

აქციის გამართვაზე მოწოდებას უერთდება უკრაინის პრეზიდენტის უფროსის მრჩეველი, ოლექსი არესტოვიჩიც. 24 დეკემბერს ცნობილი გახდა, რომ  მიხეილ სააკაშვილმა ფეიგინს გაუგზავნა წერილი, რომელშიც წერდა, რომ რუსეთის პრეზიდენტმა, ვლადიმირ პუტინმა მისი მოკვლის ბრძანება გასცა და ციხეში მოწამლეს.