ილია სულამანიძე იერუსალიმის მასტერსის გამარჯვებულია

ისრაელის დედაქალაქ იერუსალიმში მიმდინარე ძიუდოს მასტერსზე ილია სულამანიძე (100 კგ) ოქროს მედლის მფლობელი გახდა. ქართველმა ფინალში ნიდერლანდელი სიმეონ კატარინა დამატებით დროში გაფრთხილებენით დაამარცხა და საქართველოს ნაკრებს ტურნირზე მეორე ოქროს მედალი მოუპოვა.

ცოტა ხნით ადრე 90 კგ-ში მოასპარეზე ლუკა მაისურაძე შეჯიბრზე ბრინჯაოს მედალს დაეუფლა. კონტინენტის მოქმედმა ჩემპიონმა მსოფლიოს მოქმედ ჩემპიონს, უზბეკ დავლატ ბობონოვს სძლია.

იერუსალიმის მასტერსი საქართველოს ნაკრებმა ორი ოქროსა და ერთი ბრინჯაოს მედლით დაასრულა. გუშინ ტურნირზე მსოფლიოსა და ევროპის მოქმედმა ჩემპიონმა ტატო გრიგალაშვილმა (81 კგ) ოქროს მედალი მოიპოვა.